SERIKALI YATOA BARAKA KWA TIMU YA TAIFA YA NETIBALL

mwenyekiti wa baraza la michezo taifa idd kipingu akizumgumza na waandishi wa habari

Katibu mkuu wa bmt kushoto lihaya na mwenyekiti kipingu.

Serikali imeagiza timu ya netiboli ishiriki mashindano ya kimataifa kwa kuzingatia taratibu na kawaida ya muundo wa timu ya taifa uwepo wa wachezaji na viongozi wa zanzibar ni muhimu.

Hivyo serikali imekumbusha tena kuwa CHANETA NA CHANEZA kuafikiana katika uundaji wa timu ya taifa ili kudumisha muungano na tofauti zao zinatakiwa kumalizika mara baada ya kurudi katika mashindano hayo.

KUHUSU NGUMI ZA RIDHAA NA TENESI KIPINGU AMESEMA.

migomo inayotokea kwa wachezaji kugomea mashindano imetokana na uongozi mbovu ambao bado hajafahamu nini maana ya uongozi.

Amesema kwa upande wa ngumi viongozi na wachezaji wamekuwa wakitoa sababu mbalimbali juu ya mgomo huo ,lakini baraza na wizara imegundua kuwa tatizo la mgomo huo ni viongozi jambo ambalo limetokea hata kwa mchezo wa tenesi hivyo katika kuondokana na matatizo hayo baraza la michezo taifa linatarajia kuandaa semina ya viongozi wa michezo mbalimbali kabla ya mwaka huu kuisha.

NIZAR NA SOMO JIPYA KWA WACHEZAJI WA TANZANIA

Mchezaji wa kimataifa wa Tanzania Nizar Khlafani ambaye amewasili tayari kujiunga na timu ya taifa ya Tanzania Taifa Stars kwa ajili ya maandalizi ya mchezo wa kimashindano dhidi ya Algeria ikiwa ni mchezo wa kufuzu kucheza michuano ya mataifa ya Afrika mwaka 2012.

NIzar Khalfani akizungumza na mdau wa Sports ya Capital Radio ambayo huruka kila siku saa tatu kamili usiku hadi sa tatu na nusu, MAster Tindwa Mtopa, Nizar amesema wachezaji ili waweze kupata mafanikio wanalazimika kutumia muda wao wa ziada kufanya mazoezi mbali na muda ambao mchezaji anakuwa na kocha.

Amesema hiyo ilikuwa kwake ni moja ya chngamoto kubwa lililokuwa likimkabili wakati alipojiunga na klabu ya Vancouva ambayo mwakani inashiriki ligi ya Marekani.

Nizar amesema Tanzania inavipaji vya wachezaji wa zuri na wenye viwango ingawa wanakabiliwa na changamoto ya nguvu na kujituma.

Amesema ili wachezaji waweze kufanikiwa ni lazima wachukulie mpira kuwa ni kazi kama zilivyo kazi zingine na inamaslahi mazuri endapo mchezaji atajituma na kuwa na malengo.

ROCK CITY MARATHON KUANZA 26 SEPTEMBA

Mwenyekiti wa Chama cha Riadha Tanzania (RT) Suleiman Nyambui (kushoto)
akifafanua jambo kwa waandishi wa Habari (hawapo pichani) wakati wa uzinduzi wa
mashindano ya riadha yanayojulikana kama Rock City Marathon yanayotarajiwa
kufanyika Mwanza Septemba 26 mwaka huu.Katikati ni Mratibu wa mashindano hayo
kutoka Kampuni ya Capital Plus Ltd ambao ndio waandaaji Raymond Kanyambo na
kulia ni Mkurugenzi wa Masoko wa Bodi ya Utalii Tanzania (TTB) Amant Macha
aliyekuwa mgeni rasmi wa hafla hiyo iliyofanyika Dar es Salaam jana.

KAMPUNI ya Capital-Plus International (CPI) imeandaa mashindano ya riadha ya kilomita 21 yanayojulikana kama "Rocky City Marathon 2010" yatakayofanyika Septemba 26 mwaka huu jijini Mwanza.

Mashindano haya kwa mara ya pili ambapo mara ya kwanza yalifanyika mwaka jana na yanatarajia kufanyika katika uwanja wa CCM Kirumba kuelekea njia tofauti za jiji la Mwanza na kumalizia katika uwanja huo.

Mratibu wa mashindano hayo Raymond Kanyambo amesema katika haitakuwa na tofauti na mashindano yaliyopita kwa kujumuisha wanariadha toka sehemu tofauti hapa nchini Tanzania na nchi Jirani kushiriki katika mbio hizo katika ukanda wa ziwa.

amesema tayahri wamekwishatuma mialiko katika nchi mbali mbali kuwataka wanariadha kushiriki kwa kujiandikisha kupitia vyama vya riadha katika nchi zao ikiwa ni pamoja na Jamhuri ya Demokrasia ya Congo, Rwanda, Burundi, Kenya, Uganda na Zambia.

Mashindano

RATIBA YA LIGI YA MABINGWA BARANI ULAYA YA PANGWA MONACO

Ratiba ya michuano ya ligi ya mabingwa barani Ulaya hii hapa ambayo imepangwa mjini MOnaco.

Group A Internazionale Werder Bremen Tottenham Hotspur

Twente
Group B Olympique Lyon Benfica Schalke 04

Hapoel Tel Aviv
Group C Manchester United Valencia Rangers

Bursaspor
Group D Barcelona Panathinaikos Kobenhavn

Rubin Kazan
Group E Bayern München Roma Basel

CFR Cluj
Group F Chelsea Olympique Marseille Spartak Moskva

Zilina
Group G Milan Real Madrid Ajax

Auxerre
Group H Arsenal Shakhtar Donetsk Braga

Partizan Belgrado

YANGA OYEEEEEEEEEEEE

YANGA JUUUUU YATWAA NGAO YA JAMII KWA KUIFUNGA SIMBA KWA MIKWAJU YA PENATI MITATU KWA MOJA

Nahodha wa yanga mbuna akiwa ambeba nago ya jamii mara baada ya kukabidhiwa

ngao ya jamii ikiwa imeshikwa na baadhi ya viongozi wa yanga katikati ni makamu mwenyekiti wa yanga davis ,kulia doctor na baadhi ya wajumbe wa kamati ya utendaji

baada ya kazi ngumu vijana wa jangwani wafurahi na ngao ya hisani

Uhuru suleiman akimbebeleza mmoja wa wachezaji wa simba baada ya simba kufungwa katika mchezo wa ngao ya jamii

Thierry Henry astaafu soka ya kimataifa

Mchezaji mashuhuri wa timu ya Taifa ya Ufaransa na Barcelona Thierry Henry ametangaza kustaafu soka ya kimataifa na timu ya Taifa.

Henry mwenye umri wa miaka 32 ametangaza uamuzi huo wakati wa mahojiano na shirika la habari AP kabla ya kufikia uamuzi wa kujiunga na klabu ya mpira wa miguu ya New York Red Bulls.

Amesema kuwa anajiunga na klabu ya Red Bulls nchini Marekani, siyo kwa kutaka kumuiga David Beckham kwa kusafiri mara kwa mara baina ya Ulaya na Marekani.

Amesema huu ndiyo mwisho kwake kushiriki timu ya Taifa.

Thierry Henry

Tangu ajiunge na timu ya Taifa, Henry amefunga magoli 51 mara 123 alizoshiriki michuano ya kimataifa kwa niaba ya Ufaransa kuanzia mwaka 1997.

Alitia fora wakati akichezea klabu ya Arsenal ambako alikuwa nahodha na anatazamiwa kushiriki pambano la Red Bulls dhidi ya mahasimu wakuu wa klabu yake ya zamani, Tottenham hotspurs hapo tarehe 22 Julai.

Alipohama kutoka Arsenal mnamo mwaka 2007, Henry alijiunga na Barcelona ya Uhispania na alikuwa na mwaka mmoja uliosalia kwenye mkataba wake aliporuhusiwa na Barcelona kuweza kuihama.

Kocha mpya kijana kumsaidia Capello

Capello amesema ataelekeza nguvu zaidi kuendeleza wachezaji vijana.

Meneja wa timu ya England, Fabio Capello, amekubali kuteua kocha kijana ambaye ni mzawa wa England ajumuike na Stuart Pearce kwenye kikosi chake cha ufundi, BBC Sport imefahamishwa.

Mkurugenzi wa maendeleo wa chama cha soka cha England, Sir Trevor Brooking, amesema atasaidia kuteua kocha huyo na kuwasilisha mapendekezo yake ifikapo mwezi Disemba.

Pearce, ambaye pia ndiye kocha wa timu ya England ya wachezaji wa chini ya umri wa miaka 21, tayari yumo katika kikosi cha makocha cha Capello.

Hatua hiyo imefikiwa baada ya bodi ya FA kukutana kujadili ufanisi mbovu wa timu ya England kwenye mashindano ya Kombe la Dunia.

Nafasi kwa vijana

Mwandishi wa maswala ya michezo wa BBC, Dan Roan alisema: "FA inataka Brooking na Capello kutafuta kocha mwingine kijana kusaidia katika kikosi cha ufundi cha timu ya taifa ya England, bega kwa bega na Stuart Pearce.

Wawili hao watawasilisha mapendekezo yao kuhusiana na mpango wa kuendeleza wachezaji wa kimataifa na mafunzo ya makocha, huku chama cha soka, FA, kikiwa na shauriku ya kujifunza kutokana na England iliyokuwa ikimwagiwa sifa, kushinda mechi moja tu.

Capello, ambaye aliendelea na kazi yake baada ya mashindano, alisema ataelekeza zaidi nguvu zake kuendeleza wachezaji vijana. Hatua za kwanza zitaanza kuonekana wakati England itakapocheza na Hungaru katika mechi ya kirafiki kwenye uwanja wa Wembley, tarehe 11 Agosti.

ZAIN YAKABIDHI KOMPYUTA ST. JOSEPH

Mkuu wa shule ya Sekondari ya St. Joseph ya jijini DSM, SR. Edwardina Frederick (kati), akipokea msaada wa kompyuta kutoka kampuni ya simu ya Zain. Wanaokabidhi msaada huo ni mameneja wa Teknohama wa Zain, Asupya Nalingigwa (Kushoto) na Godfrey Masanja (kulia). Jumla ya kompyuta 4 zenye thamani ya Shilingi Milioni sita zimetolewa mwishoni mwa wiki kwa shule hiyo.

Baadhi ya wanafunzi wa shule ya Sekondari ya St. Joseph iliyopo Salasala jijini DSM wakifurahia moja ya kompyuta kati ya nne zilizokabidhiwa na kampuni ya simu ya Zain kwa shule hiyo. Kulia ni meneja wa Teknohama wa Zain Asupya Nalingigwa. Jumla ya kompyuta 4 zenye thamani ya Shilingi Milioni sita zimetolewa mwishoni mwa wiki kwa shule hiyo.
Mkuu wa shule ya Sekondari ya St. Joseph ya jijini DSM, SR. Edwardina Frederick (kushoto), akiwashukuru mameneja wa kampuni simu ya Zain kwa msaada wa kompyuta walioutoa kwa shule hiyo. Kutoka kulia, wanaosikiliza ni Tunu Kavishe (Meneja Huduma za Jamii), Godfrey Masanja na Asupya Nalingigwa (Mameneja wa Teknohama). Jumla ya kompyuta 4 zenye thamani ya Shilingi Milioni sita zimetolewa mwishoni mwa wiki kwa shule hiyo.

Kila mmoja adai Spian ndio mabingwa wapya wa dunia ?

Na je, Paul na Pauline wasemaje ?

Wakati Ujerumani ina miadi na Uruguay leo usiku kuania mshindi watatu, wapiga-ramli wote na mashabiki wa dimba wadai Spain na sio Holland ndiyo itakayotawazwa bingwa mpya wa dunia hapo kesho huko City Stadium,Johannesberg.

Pweza wa Ujerumani- Paul- ametabiri Spain ndio mabingwa wakati mkewe- Pauline , ameelemea timu ya nyumbani Holland. Nani kati yao atashinda finali hii kati ya Spain na Holland na Paul na Pauline ?

Kuanzia watoto wa shule huko Soweto, Afrika Kusini, hadi vituo vya kamari ulimwenguni na hata pweza-dume, Paul wa Oberhausen , Ujerumani, upatu unapigwa na kuhanikiza Kombe la dunia kesho Jumapili linakwenda Spain, Na hiyo itakuwa mara ya kwanza .

"Wanacheza dimba maridadi ajabu.Tunataka kuwa kama wao. Bila shaka, watashinda Jumapili hii- fanyeni hivyo Spain."-alisema shabiki chipukizi wa miaka 13, Dumisani Motye, aliekuwa akimuigiza David Villa wa Spain katika uwanja wa vumbi mtaani Soweto.

Kabla ya changamoto hiyo, Ujerumani na Uruguay zitateremka uwanjani huko Port Elizabeth leo usiku kuamua finali ndogo ya Kombe la dunia mwaka 2010: Nani ni mshindi wa tatu ? Baada ya kumaliza wapili mwaka 2002 na watatu nyumbani mwaka 2006, Ujerumani leo haitaki chochote kasoro ya taji hilo la mshindi watatu kufuta machozi ya pigo la pweza Paul,alieangusha juzi kwa kutabiri ushindi wa Spain.

Lakini, Waspain, waliopigiwa debe tangu mwanzo kuwa ndio mabingwa wapya wa dunia, baada ya kuanza taratibu wamepata kasi wakati muwafaka-hatua za mwisho za kombe hili baada ya kuwaambia Wajerumani,kutangulia si kufika. Nani sasa atazuwia "kikosi cha manuwari za Spain" kutia gati bandarini City Stadium?

Manahodha wa Holland pia ni maarufu na wanadai ni jahazi la kocha Bert van Marwijk lililowafungisha virago mabingwa mara tano, Brazil, seuze Waspain.

Kama Spain, Holland, haikuwahi kutwaa kombe la dunia na mara hii, wanataka kufuta madhambi ya 1974 na 1978 walipofika finali na kupokonywa Kombe na Ujerumani na Argentina. Wanadai, halali ni mara tatu.

Vyovyote mpambano wa kesho utakavyomalizika, jina jipya litaandikwa katika Kombe la FIFA. Isitoshe, utakuwa ushindi wa kwanza wa timu ya Ulaya wa Kombe la dunia nje ya bara lao.

Na sura hii haikuonesha hivyo pale firimbi ilipolia Juni,11 kuanzisha kombe la kwanza la dunia barani Afrika. Kwani,timu za kanda ya Amerika kusini,zilitia fora ,lakini mwishoe, ilidhihirika vishindo vyao vilikuwa vya darini vilivyoishia sakafuni. Na hii, licha ya mabingwa wa dunia, Itali, makamo-bingwa ,Ufaransa na England, mabingwa 1966 kuanguka. Hata Spain, utakumbuka ilishindwa mpambano wake wa kwanza na Uswisi.

Holland, haikufungwa hata mechi moja katika Kombe hili la dunia na mpambano wa kesho utakuwa wa 14 mfululizo bila kushindwa.

Hizo ni salamu akina Arjen Robben, van Marwijk, van Bommel, van der vaart, van Persie na van Brockhorst wanazompelekea Del Bosco na La Roja,timu yake ya Spain.

Wakati salamu za pweza "Paul" kutoka Ujerumani kuwa ni Spain itakayoshinda kesho, amezipokea mkewe "Pauline" huko The Hague,Holland, mashabiki wa Afrika kusini,wanadai Wadachi-Holland, asili ya makaburu, wamerudi nyunmbani, na mcheza kwaohutunzwa-Pauline amkumbusha pweza Paul.

Uholanzi yalenga kutimiza ndoto

Ni mara ya tatu kufuzu fainali, lakini bado hawajapata kushinda Kombe la Dunia.

Uholanzi inapania kupiga hatua moja zaidi na kutwaa Kombe la Dunia kwa mara ya kwanza, licha ya kucheza fainali mara mbili.

Mabao mawili yaliyofungwa katika muda wa dakika tatu kipindi cha pili na Wesley Sneijder na Arjen Robben yaliisaidia Uholanzi kuishinda Uruguay na kuingia fainali kwa mara ya kwanza tangu mwaka 1978.

Giovanni van Bronckhorst alikuwa ameifungia Uholanzi bao la mapema, lakini Diego Forlan akaisawazishia Uruguay kwa shuti la mbali muda mfupi kabla ya mapumziko.

Katika muda wa majeruhi Uholanzi walijikuta kwenye hatari ya ushindi kuwaponyoka wakati Maxi Pereira alipofunga bao la pili la Uruguay, lakini mchezo ukamalizikia hapo.

Kabla ya mwaka 1978 Uholanzi ilikuwa imecheza fainali ya mwaka 1974 mjini Munich ambapo ilishindwa na Ujerumani 2-1.

Mwaka 1978 Uholanzi walishindwa kwenye fainali na wenyeji Argentina mabao 3-1 mjini Buenos Aires.

Fainali ya Jumapili itakuwa ya tatu kwa Uholanzi, na mshambuliaji wa Liverpool, Dirk Kuyt anasema anaamini wakati umewadia kutwaa Kombe hilo baada ya 'kulinusa' mara mbili.

Ghana yataka FIFA ibadili sheria

Diego Forlan (kushoto) na Asamoah Gyan (kulia)

Waziri wa michezo wa Ghana amesema shirikisho la soka duniani FIFA linatakiwa kubadilisha sheria za mchezo wa soka kufuatia kuondolewa kwa Ghana kwenye robo fainali ya Kombe la Dunia baada ya kutumika mikono.

Waziri huyo Akua Sena Dansua hajasema ni sheria zipi angetaka zibadilishwe, lakini watu wengi wamekuwa wakisema mwamuzi wa mchuano wa robo fainali kati ya Ghana na Uruguay angetakiwa kuipa Ghana goli, wakati mchezaji wa Uruguay Luis Suarez alipoondosha kwa mikono mpira uliokuwa unaingia kwenye lango la timu yake.

Kwenye mechi hiyo mshambuliaji wa Ghana Dominic Adiyah alipiga mpira kwa kichwa ukaeleka kuingia katika lango la Uruguay ukibakia muda mfupi sana kabla ya mechi kumalizika, lakini Suarez ambaye ni mchezaji wa ndani akauondosha kwa mikono.

Mwamuzi alimwonyesha kadi nyekundu Suarez na akawapa Ghana penati ambayo Asamoah Gyan alipiga nje.

Adhabu hiyo ni kulingana na sheria zilizopo za shirikisho la soka dunia FIFA.

Mechi ilimalizika kwa sare, ikalazimika kuingia mikwaju ya penalti na Uruguay wakaibuka washindi wa mabao 4-2.

Ghana ilikuwa timu ya Afrika kufikia hatua ya robo fainali katika Kombe la Dunia.

Baada ya kurejea nyumbani Black Stars walipokelewa kwa shangwe na nderemo mjini Accra.

Rais wa Ghana John Atta Mills alisema wachezaji hao watapewa tuzo za kitaifa na pia dola 20,000 kila mmoja.

Mashabiki wa soka kote barani Afrika waliishabikia Ghana wakati wa mchuano huo, na wengi walipigika sana baada ya Black Stars kuondolewa.

Ilikuwa ni timu pekee ya Afrika iliyobakia kwenye mashindano baada ya timu zingine tano za Afrika kuondolewa kwenye raundi ya kwanza ya michuano hiyo.

ZAINI YAKABIDHI MADAWATI SHULE YA MSINGI KASULU

Mbunge wa Jimbo la Ilala Mussa Azan akiongea na Meneja wa Shughuli za Kijamii wa Zain Tanzania Tunu Kavishe (Kushoto) mara baada ya kukabidhi madawati yaliyotolewa hivi karibuni na kampuni ya simu za mkononi ya Zain Tanzania kwa shule ya msingi ya Kasulu iliyoko katika Wilaya ya Ilala jijini Dar es Salaam.

Mwalimu Mkuu wa shule ya msingi ya Kasulu iliyoko katika Manispaa ya Ilala jijini Dar es Salaam Moshi Mikidadi (kushoto) akipokea msaada wa madawati mia moja yenye thamani ya zaidi ya shilingi milioni saba kutoka kwa Meneja wa Shughuli za Kijamii wa Zain Tanzania Tunu Kavishe (Kushoto) mara baada ya kukabidhi madawati yaliyotolewa hivi karibuni na kampuni ya simu za mkononi ya Zain Tanzania kwa shule ya msingi ya Kasulu iliyoko katika Wilaya ya Ilala jijini Dar es Salaam.

Mbunge wa Jimbo la Ilala Mussa Azan (katikati) akimpongeza Meneja wa shughuli za Kijamii ya Zain Tanzania Tunu Kavishe (kushoto) mara baada ya kukabidhi madawati mia moja yenye thamani ya zaidi ya milioni saba kutoka kampuni ya Zain Tanzania kwa shule ya msingi Kasulu . Makabidhiano hayo yamefanyika hivi karibuni jijini Dar es Salaam. Kulia ni Mwalimu Mkuu wa shule hiyo Moshi Mikidadi.

ziff kuanza rasmi julai 10,2010

Mkurugenzi wa Tamasha la ZIFF,Dr. Martin Mhando akifafanua jambo kwa wadau waliofika katika mkutano wa ufunguzi rasmi wa tamasha hilo uliofanyika leo katika ukumbi wa Alliance Francaise jijini Dar.
Mratibu wa Maswala ya Muziki wa ZIFF,Edward Lusala (kushoto) akitaja list ya wasanii watakao panda jukwaani katika tamasha hilo linalotazamiwa kuanza rasmi Julai 10 mpaka Julai 18 huko kisiwani Zanzibar.wengine toka kulia ni Dean Nyalusi (Meneja wa ZIFF),Dr. Martin Mhando (Mkurugenzi wa ZIFF) na Ibrahim Mitawi (Msaidizi wa mambo ya Kiufundi ZIFF).
Baadhi ya wadau walifika leo katika ufunguzi rasmi wa tamasha la ZIFF katika ukumbi wa Alliance Francaise jijini Dar wakifuatilia kwa makini maelezo ya Dr. Mhando (hayupo pichani)..


ZANZIBAR INTERNATIONAL FILM FESTIVAL

Zanzibar International Film Festival (July 10th-18th) ni tamasha kubwa kuliko yote ya utamaduni ya aina yake kwenye ukanda wa Afrika mashariki. Ikiwa imetimiza miaka 13 na kuudhuriwa kila mwaka na zaidi ya wageni 200,000 na kushirikisha nchi 43, ZIFF ni taasisi ya wazanzibari yenye kulenga zaidi filamu za kiafrika huku ikisherehekea na kuthamini utajiri wa tamaduni zilizopo ndani ya ukanda huu na zaidi

Tofauti na tamasha lingine lolote, hili ni tajiriba ya aina yake ya tamaduni za kiafrika. Hakuna zuria jekundu, Umaridadi na waandishi wa habari za udaku.

ZIFF ni tamasha linalokuja mara mmoja tu kwa mwaka, ni nafasi ya pekee kwa Wazanzibari kujumuika pamoja na kutazama filamu kwenye viwambo vikubwa. Kwa mwaka huu filamu zote zitaonyeshwa bure kwa wakazi wote wa Zanzibar!


ZIFF’s theme this year’s is Hopes in Harmony.
Mwishoni mwa mwaka huu Zanzibar itafanya uchaguzi mkuu wa serikali. Kuna historia ya machafuko kipindi cha uchaguzi kwa kutazama uchaguzi uliopita mwaka 2005 kati ya wanaounga mkono upinzania na polisi. Mbiu ya tamasha kwa mwaka huu ina angaz matakwa ya watu wa kisiwa hiki ya amani na muafaka.

Filamu ya ufunguzi, ni filamu yenye tunzo inayo muhusu mwanamziki maarufu Youssou N’Dour, I Bring What I love (Naleta nachokipenda), inayozungumzia ]addresses the themes of religious tolerance, harmony and peace.

“I Bring What I Love” imedhaminiwa na SIGNIS.


Key Facts & Figures in 2009
• Waudhuriaji Mji Mkongwe: 45,000
• Waudhuriaji Dar es salaam: 200,000
• Wageni toka nje: 12,000
• Nchi zilizo shiriki: 43
• Filamu zitakazoonyeshwa mwaka huu: 100


Vitu Vya Kutazamia Mwaka Huu…
Fainali ya Kombe la dunia! Kwa kuzindua tamasha 2010 tutaonyesha mechi ya fainali ya kombe la dunia ndani ya Ngome Kongwe.

Filamu ya ufunguzi
Youssou N’Dour. I Bring What I Love Ni filamu yenye tunzo nyingi. Ya kuhamasisha, inayotupeleka kwenye safari ya kimziki, yenye ushuhuda wa nguvu ya sauti ya mtu mmoja kuhamasisha mamilioni. Muongozaji wa Filamu: Elizabeth Chai Vasarhelyi. Imedhaminiwa na SIGNIS.

Nipe Jibu: Kuonyeshwa kwa mara ya kwanza . Filamu ya kwanza ya kuchanganya Muziki na kuigiza Muongozaji Nadine Louise Fasera. Nipe Jibu ni filamu nzuri ya Kiswahili yenye kuchanganya muziki iliyotengenezwa kwa mtazamo wa kisasa na kitamaduni kwa simulizi iliyochangamka juu ya binti yatima anayeishi kwenye maisha ya ndoto.

My Policy: Kuonyeshwa kwa mara ya kwanza. Kijana mdogo mfanya biashara anapigwa risasi kwenye siku yake ya kuzaliwa akiwa anarejea nyumbani kwake akitokea kwenye tafrija yake kusherehekea siku hii muhimu akiwa na mchumba wake, Victoria. Wiki chache baadae, Yule aliyempiga risasi amjia na kumchoma kisu hadi kufa. Kwa kupagawa na pigo hili, Victoria aamua kuhama Montreal na kuanza maisha mapya, Lakini muuaji amjia nay eye pia.... Muongozaji: Phad Mutumba

Motherland: African premiere - Kuonyeshwa kwa mara ya kwanza Africa

Ana’s Playground: African premiere

Lamu’s Maulid: world premiere

Inside Life: world premiere
Pumzi: East Africa’s first ever science fiction film
A sneak preview of Twiga Stars

Muziki
ZIFF 2010 Itakua ikisakata kwenye burudani ya muziki na… Dully Sykes – AKA Mr Misifa ama Mr Chicks, Msanii anayetambulika sana kwa miondoko ya dancehall Tanzania. AY, Msanii anayengara ndani ya Africa Mashariki akiwakilisha vyema Tanznia na balozi wa burudani Tanzania, Kidumu , Ndiye mwanamuziki maarufu Africa Mashariki toka Burundi anayeshikilia Tunzo nyingi ikiwemo tunzo ya Muziki bora wa Afrika Mashariki kwa Tunzo za Tanzania Music Awards, Body Mind Soul Bendi ya watu 6 kutoka Kaskazini mwa Malawi wanaopiga mziki wa kiafrika wenye vionjo vya Jazz, Windhund featuring Sekembuke & Siga bendi kutoka Austria inayotumia vionjo vya kizungu na kiafrika, ushairi na sanaa ya simulizi ili kuleto vionjo vipya na vya aina yake kwenye ulimwengu wa muziki.

Filamu za Watoto!
Kwa kushirikiana na taasisi ya filamu ya Kidanish, Maonyesho ya filamu za Watoto zitaonyeshwa makundi makubwa ya Watoto, zikiwa zimetafsiriwa kwa Kiswahili kwajili ya Watoto na vijana wa Mji mkongwe.

Art exhibtions
"Hopes in Harmony" (Matumaini yenye Kuafikiana) – Onyesho la picha yanayoletwa na mpiga picha toka Italy, Carlo Deste
"Colour Bash" – Uchoraji wa vitenge kutoka pande mbalimbali za Afrika, na Mahelia de Randamie
Artwork kutoka wakina mama wa Iranian, Hii inaletwa na Ubalozi wa Iranian embassy
kwa kushirikiana na Soko Filam, ambapo watengeneza filamu na wachongaji toka Zanzibar wanakuja kuonyesha na kuuza bidhaa zao..

Tasnia
ZIFF ni tukio muimu kwenye jumuiya ya Cinema duniani. Festival Forum na Festival of Festival program inatoa nafasi kwa wasambazaji, mapromota, waongozaji wa filamu na waandaji kukutana ili kukomaza mizizi kwenye tasnia ya filamu kwenye nchi zinazoendelea. Mwaka huu wawakilishi toka Trinidad na Tobago, Uganda, Holland, Iran, Mexico and Italy watashiriki ZIFF kujadili nafasi ya matamasha ya filamu kwenye nchi zinazoendelea.

Warsha
ZIFF itaendesha warsha tatu wakitoa upendeleo kwa ushiriki wa waandaji filamu toka ukanda huu wa Afrika mashariki kwa waandaji wenye kuonyesha hari na vipaji vyenye mlengo wa kuibuka kwenye tasnia hii.

WARSHA ZA NAMNA YA KUOMBA MISAADA YA KIFEDHA KUANDAA FILAMU NA WARSHA – warsha itaongozwa na wakufunzi toka Sweden and Uganda

UANDAAJI WA MAKALA: CONNIE FIELD – Warsha hii ya siku nzima italeta mtazamo mzima wa namna ya kuandaa makala chini ya usimamizi wa mshikiliaji wa tunzo ya uandaaji wa makala(producer / director), Connie Field.

CINEPHILMS:UTENGENEZAJI WA FILAMU KUTUMIA SIMU YA MKONONI – Hii warsha ya aina yake itaongozwa na Jonathan Dockney wa chuo kikuu cha Natal South Africa. Utengenezaji wa filamu kwa kutumia simu za mkononi ni teknolojia inayo ibuka kwa kasi sana. Njo ujifunze jinsi ya kutengeneza filamu kwa simu!

Tafadhali bonyeza hapO kwa maelezo zaidi:

www.ziff.or.tz
ama
www.ziff.or.tz/press

Asmah Makua
(Swahili Press)
asmahmakau@yahoo.co.in
Tel no: 0713711413
Laura Martin-Robinson
(English language Press)
press@ziff.or.tz
Tel: +255 782689845

TBL yaipiga jeki timu ya taswa fc ya arusha

Mwenyekiti wa chama cha waandishi wa habari za michezo ambaye pia ni Mratibu wa tamasha la waandishi wa habari za michezo,Jamila Omari akiongea na waandishi wa habari kuhusiana na tamasha hilo la michezo linalotarajia kufanyika Agost 1 mwaka huu.katikati ni Meneja matukio wakanda ya kaskazini wa TBL,George Mombeki na kushoto ni Katibu wa chamacha waandishi wa habari za michezo,Mussa Juma
Nahodha wa timu ya Taswa FC ya mkoa wa Arusha Moses Kilinga akikabithiwa jezi na mpira na mratibu wa tamasha hilo Jamila Omary kwa ajili ya maandalizi ya timu yake.
Meneja matukio wakanda ya kaskazini wa TBL,George Mombeki akimkabithi Mwenyekiti wa chama cha waandishi wa habari za michezo ambaye pia ni Mratibuwa tamasha la waandishi wa habari za michezo,Jamila Omari mfano wa hundi yenye thamani ya shilingi milioni mbili iliyotolewa na kampuniya bia ya TBl kwa ajili ya mashindano hayo.


Na Woinde Shizza,Arusha

kampuni ya bia ya TBL imetoa cheki ya shilingi milioni mbili kwa ajili ya kudhamini Tamasha michezo la waandishi wa habari linalotarajia kufanyika Agosti moja mwaka huu katika kiwanja cha kumbukumbu ya Sheikh Amri Abeid.

Kwa mujibu wa taarifa iliyotolewa na mwenyekiti wa chama cha waandishi wa habari za michezo mkoani hapa ambaye pia ni mratibu wa mashindano haya Jamila Omary wakati akiongea na waandishi wa habari alisema kuwa tamasha hili linatarajia kufanyika Agosti moja mwaka huu na litashirikisha jumla ya timu kumi na mbili zilizopo mkoani hapa.

Alisema kuwa tamasha hili hufanyika kila mara na linashirisha timu za waandishi wa habari kutoka katika mikoa mbalimbali ikiwemo timu ya waandishi wa habarikutoka mkoani Dar es salaam,Arusha pamoja na mkoa wa Manyara.

Alitaja nia ya tamasha hili ni kuwakutanisha pamoja waandishiwa habari kutoka katika mikoa mbalimbali pamoja na kuwapa burudani ikiwemo yamichezo mbalimbali na kubadilishana ujuzi na mawazo kwa ujumla.

Jamila alitaja timu ambazo zimejitokeza kushiriki katika mashindano haya kuwa ni Taswa FC ya Arusha,Taswa ya Dar ,timu ya chuo cha waandishi wabahari cha Arusha (AJTC),chuo cha waandishi wa habari east afrika ,radio five,triple A radio,Ormame radio ,timu ya CRDB,timu ya NMB,timu ya NSSF,timu ya Pepsi pamoja na timu kutoka kampuni ya bia ya TBL.

Akikabithi cheki hiyo meneja matukio wa kanda ya kaskazini kutoka TBL George Mombeki alisema kuwa kampuniu yao imehamua kuthamini tamasha hili kwani waandishi wa habariwamekuwa wakiwapa ushirikiano mkubwa sana.

"tumeamua kuwaunga mkono waandishi wa habari kwakuwa wamekuwa wakitupa ushirikiano mkubwa sisi pamoja na wananchi kwa ujumla na tunahaidi kuthamini mashindano haya mpaka mwisho hatutaishia hapa"alisema Mombeki.

Ujerumani yaiadhibu Argentina 4-0

Mashabiki wa Ujerumani wakishangilia ushindi wa timu yao dhidi ya Argentina.

Ujerumani imeiadhibu Argentina kwa kuifunga mabao 4-0 kwenye mechi ya robo fainali ya Kombe la Dunia katika uwanja wa Green Point mjini Cape Town na kujipatia nafasi katika nusu fainali.

Juhudi za Ujerumani kutaka kufuzu miongoni mwa nne bora zilianza katika dakika ya tatu wakati Thomas Muller alipofunga kwa kichwa mpira wa adhabu uliopigwa na Bastian Schweinsteiger.

Kipindi cha kwanza kilimalizika Ujerumani wakiongoza 1-0 na katika dakika ya 68, Miroslav Klose akiichezea nchi yake mechi ya 100 aliongeza bao la pili kukamilisha pasi ya Lukas Podolski.

Podolski aliendelea kupenyeza pasi za kupendeza kutokea upande wa kushoto, na katika dakika ya 74 alitoa moja ambayo mlinzi Arne Friedrich alifunga bila matatizo, na kuipatia Ujerumani bao la 3.

Klose alipata fursa nyingine katika dakika ya 89 kumalizia pasi nyingine kutoka Podolski na kuandikisha bao lake la pili, na la nne kwa Ujerumani.

Uhasama

Katika mashindano ya Kombe la Dunia yaliyopita timu hizo mbili zilikutakana katika hatua ya robo fainali ambapo Ujerumani walishinda kupitia mikwaju ya penati.

Kwenye mechi ya Jumamosi, Ujerumani waliwavuta Argentina upande wao mara kwa mara kisha kuwavamia haraka, mkakati ambao uliwawezesha kupata ushindi mkubwa.

Walinzi wa Ujerumani walimdhibiti nyota wa Argentina Lionel Messi ambaye aliweka juhudi nyingi za kutaka kurudisha goli kwa mikwaju ya mbali.

Sasa Ujerumani inatarajia kuchuana kwenye nusu fainali na mshindi kati ya Uhispania na Paraguay.

Miroslav Klose anahitaji kufunga mabao mawili tu kwenye michuano iliyosalia ili kuwa mchezaji anayeongoza kwa ufungaji wa mabao mengi katika historia ya michuano ya Kombe la Dunia. Kwa sasa analingana na Gerd Muller pia wa Ujerumani ambaye amefunga magoli 14, anayeshikilia rekodi ni Ronaldo wa Brazil akiwa na magoli 15.

Serena atwaa taji la tennis Wimbledon

Serena Williams ameshinda taji lake la nne la Wimbledon.

Serena Williams ameshinda taji lake la nne la ubingwa wa Wimbledon katika mchezo wa tennis kwa kumshinda Vera Zvonareva wa Urusi kwa seti mbili kwa mfuto katika fainali ya wanawake. Hii inakua ni mara ya 13 kwa Serena kunyakua ubingwa wa mashindano makuu ya kimataifa ya Grand Slam.

Serena ambaye ndiye mchezaji nambari moja dunia alitetea taji lake dhidi ya mrusi huyo 6-3, 6-2 katika muda wa dakika 67 na kuongeza udhibiti wa familia ya Williams katika Wimbledon.

Serena amemaliza mashindano ya mwaka huu bila ya kupoteza hata seti moja na kuongezea mataji aliyokwishajinyakulia ya Wimbledon katika miaka ya 2002, 2003 na 2009.

Hii ni mara ya kwanza kumshinda mtu ambaye si dada yake Venus katika fainali ya Wimbledon.

Dada hawa wawili kwa jumla wameshinda mara tisa ubingwa wa Wimbledon katika miaka 11 iliyopita.

Priscus Nyoni mshindi wa gofu

Priscus Nyoni akijiandaa kuingiza mpira katika shimo wakati wa mashindano ya gofu ya Zain Lugalo Fiddle yaliyofanyika mwishoni mwa wiki katika uwanja wa TPDF Lugalo jijini Dar es Salaam .

Priscus Nyoni amefanikiwa kuwa mshindi katika mashindano ya mchezo wa gofu yaliyofanyika juzi katika viwanja vya mchezo huo vya Lugalo jijini Dar es Salaam baada ya kupata pointi 31.

Nyoni aliyekuwa akichuana vikali na Terence Mwakaliku alifanikiwa kumshinda kwa tofauti ya pointi 2 baada ya mpinzani wake kujipatia pointi 29.Ushindi huo ulimpatia Nyoni zawadi mbalimbali kutoka Zain ikiwemo seti ya vyombo vya ndani.

Nyoni alisema kuwa zawadi aliyoipata itakuwa changamoto kwake ili azidi kufanya vizuri katika mashindano ya mchezo huo yatakayofanyika wiki ijayo.

“Zawadi hii kwangu ni changamoto kubwa kwasababu kama nimeweza kuipata leo sitaki kuikosa tena,” alisema Nyoni

Nyoni ambaye ni mchezaji kijana wa gofu alisema kuwa hakuamini kama atashinda kwani mchezo ulikuwa mgumu na upinzani mkali na kusema kuwa siri ya mafanikio ni kufanya mazoezi kwa bidii.

Mbali na Nyoni washindi wengine ni Terence Mwakaliku , Simon Sayore na Stephania Sayore. Washindi hawa pia walijipatia zawadi mbalimbali ikiwemo miavuli,vyombo vya nyumbani pamoja na muda wa maongozi vyote kutoka Zain.

Michuano hiyo ambayo imekuwa ikifanyika kila mwisho wa wiki chini ya udhamini wa Kampuni ya simu za mkononi ya Zain itaendelea wiki ijayo katika viwanja hivyo kwa kuwashirikisha wachezaji wa rika mbalimbali kutoka ndani na nje ya mkoa wa Dar es Salaam.

MWANAIDI HASSAN NDIYE MWANAMICHEZO BORA 2009

MWANAIDI HASSAN NDIYE MWANAMICHEZO BORA 2009

Mwanaidi Hassan,akilia kilio cha furaha na kutoamini alipotangazwa kuwa Mwanamichezo Bora nchini Tanzania kwa mwaka uliopita wa 2009.Mwanaidi anacheza mchezo wa Netball.Anachezea timu ya JKT Mbweni na Timu ya Taifa ya Netball.Utoaji wa tuzo hizo ulifanyikia New Africa Hotel jijini Dar-es-salaam.

Mwanaidi Hassan(katikati) akikabidhiwa Tuzo ya Uanamichezo Bora na kitita cha shilingi Milioni Moja(1m Tshs).Anayemkabidhi ni Mwenyekiti wa Baraza la Michezo Tanzania(BMT),Kanali Iddi Kipingu.Wanaoshuhudia pembeni,kutoka kulia kwenda kushoto ni David Nyombo,aliyechukua Ushindi wa Tatu kupitia mchezo wa kunyanyua vyuma vizito(body building),Juma Kaseja,aliyechukua ushindi wa pili kupitia mchezo wa Soka.Kaseja ni golikipa wa Simba Sports Club ya jijini Dar-es-salaam.Mwingine pichani ni Mwenyekiti wa Chama Cha Waandishi wa Habari za Michezo(TASWA),Boniface Wambura.TASWA ndio waandaji wa tuzo hizo.

Juma Kaseja(kulia) akipokea Tuzo ya ushindi wa pili.Kaseja, golikipa nambari moja wa Simba.Anayemkabidhi ni Jaji Mark Bomani,Mwenyekiti wa Bodi wa Kampuni ya Serengeti ambao ndio wadhamini wakuu wa tuzo hizo.

David Nyombo,mnyanyua vyuma vizito,akikabidhiwa tuzo yake ya ushindi wa tatu.

Washindi wakiwa katika picha ya pamoja na wadhamini na wadau wa TASWA.

Picha zote na Richard Mwaikenda.

NANI ATAIBUKA MWANAMICHEZO BORA?

Posted: 18 Jun 2010 09:59 AM PDT

CHAMA cha Waandishi wa Habari za Michezo Tanzania (TASWA), leo kinatarajiwa kumtangaza mwanamichezo bora wa mwaka jana(2009) baada ya zoezi la kuwapigia kura wanamichezo waliofanya vema katika mwaka huo kukamilika jana.

Wanamichezo waliofanikiwa kuingia katika hatua ya fainali ni kipa mahiri wa Simba, Juma Kaseja, mfungaji mahiri wa timu ya netiboli ya Jeshi Stars, Mwanaidi Hassan na mtunisha misuli, David Nyombo. Kwa undani zaidi wa habarii hii bonyeza hapa.

David Nyombo

Juma Kaseja

ZAIN YAUZWA, YANUNULIWA NA AIRTEL

Airtel Yaunganika na Afrika – Yakamilisha makubaliano ya kibiashara ya kuvuka mipaka makubwa kuliko yote katika masoko yanayoendelea

Imeingia Ligi ya simu tano za mkononi zinazoongoza duniani

Nembo ya Airtel sasa yaenda kimataifa ikiwafikia watu bilioni 1.8

Yasisitiza nia yake kwa Afrika na Yaahidi huduma za bei nafuu, kusambaza mtandao na kutoa huduma kabambe

Yazishukuru serikali za nchi 15 Afrika kwa kuiunga mkono

New Delhi, Juni 8, 2010: Bharti Airtel Limited (“Bharti”) leo imechukua hatua kubwa ya kuelekea kuwa kampuni ya simu za mkononi ya kimataifa baada ya kukamilisha ununuzi wa shughuli za biashara ya Zain Group (Zain) katika nchi 15 Afrika kwa gharama ya dola za Marekani bilioni 10.7. Kwa ununuzi huu, chapa ya Airtel sasa itakuwa ya kimataifa ikiwa inawafikia zaidi ya watu 1.8 bilion barani Asia na Afrika na wateja wakiwa zaidi ya milioni 180.

Makubaliano haya ya kibiashara ya kuvuka mipaka ni makubwa kuliko yote katika masoko yanayoendelea na yatapelekea kupatikana kwa mapato ya zaidi ya dola za Marekani bilioni 12.4 na mapato kabla ya riba, kodi, uchakavu (EBITDA) ya zaidi ya dola za Marekani bilioni 4.7, kwa kuzingatia mahesabu ya mwisho. Bharti sasa ni miongoni mwa makampuni matano makubwa ya simu za mkononi duniani.

Bw. Sunil Bharti Mittal, Mwenyekiti na Mkurugenzi Mtendaji wa Bharti amesema, “Tumefurahi kukamilisha makubaliano haya kwa ajili ya India na Bharti. Tunapenda kuzishukuru kwa dhati serikali za nchi zote 15 pamoja na serikali ya India kwa kutuunga mkono katika hatua hii muhimu. Na hii itakuza zaidi uhusiano wa kihistoria baina ya India na Afrika katika masuala ya kiuchumi na kijamii na kupelekea kuboresha ushirikiano kati ya Kusini na Kusini.

Bharti, ambayo imekuwa ikijizatiti kufikia dira yake ya kusambaa Afrika, imedhamiria kuchangia kukua kwa mawasiliano ya simu katika bara kwa kusambaza huduma ndani ya nchi hizo na kutoa huduma zenye bei nafuu ambazo zinawagusa watu wa kawaida. Pia tunawaadhidi wateja wetu wa Afrika mambo kabambe na bidhaa na huduma kadhaa zenye ubunifu wa hali ya juu.

Tunapenda kuwakaribisha zaidi ya wafanyakazi 6500 wenye vipaji na taaluma ya hali ya juu kwenye familia ya Bharti na tunasubiri kwa hamu kufanya kazi nao kupeleka kampuni zao kwenye hatua nyingine ya mafanikio. Tunapenda kuishukuru timu ya Zain kwa utaalamu wao, ambao umetuwezesha kukamilisha makubaliano haya katika muda unaoweka rekodi.’’

Bw. Asaad Al-Banwan, Mwenyekiti, Zain, said “Tunawatakia mafanikio makubwa Bharti Airtel katika kuendeleza kukua kwa mawasiliano ya simu katika bara la Afrika na tunauhakika watu wa Afrika wataipokea kampuni yenye nia dhabiti na inayotambulika duniani.’’

Ununuzi wa Bharti wa shughuli za Zain unahusisha nchi 15 zenye wateja 42 milioni. Idadi ya watu wanaoishi ni zaidi ya milioni 450 na mwingiliano wa simu ni takriban asilimia 32. Nchi ambazo Bharti imenunua shughuli zake ni; - Burkina Faso, Chad, Congo Brazzaville, Jamhuri ya Kidemokrasia ya Congo, Gabon, Ghana, Kenya, Madagascar, Malawi, Niger, Nigeria, Sierra Leone, Tanzania, Uganda, na Zambia. Zain inaongoza katika nchi 10 kati ya hizo nchi 15, na ni ya pili katika nchi zilizosalia nne.

Bharti ilishauriwa kuhusu makubaliano haya ya kibiashara na Standard Chartered Bank ambao walikuwa washauri wakuu, Barclays Capital kama mshauri mkuu mbia na SBI Group kama mshauri mkuu wa biashara (Onshore Advisor). Global Investment House , Kuwait walikuwa washauri wa kanda ( Regional Advisor).

Standard Chartered Bank, Barclays, SBI Group, ANZ , BNP , Bank of America Merrill Lynch, Credit Agricole CIB , DBS, HSBC, Bank of Tokyo Mitsubishi UFJ na Sumitomo Mitsui Banking Corporation ni wafadhili wa Bharti katika makubaliano haya.

Herbert Smith LLP walikuwa Washauri wa Kimataifa wa masuala ya Sheria, Milbank Tweed Hadley & McCloy LLP walikuwa washauri wa masuala ya Fedha na Sheria na AZB & Partners walikuwa washauri wa Sheria wa India, wakati Ernst & Young walikuwa washauri wa Mahesabu.

Kuhusu Bharti Airtel Limited

Bharti Airtel Limited, ni kundi la makampuni ya Bharti, na inaongoza katika masoko yanayoendelea ya simu za mkononi katika nchi 18 Asia na Afrika. Kampuni ina zaidi ya wateja milioni 180.

Bharti Airtel imewekwa katika nafasi ya makampuni sita ya teknolojia yanayoongoza duniani na Business Week. Bharti Airtel inamuundo wa vitengo vinne vya biashara, simu za mkononi, (mobile), Telemedia, Kitengo cha Biashara ( Enterprise ) na TV za Digital,

Biashara ya simu za mkononi inatoa huduma katika nchi 18 Asia na Afrika. Biashara ya Telemedia inatoa huduma za data (broadband), IPTV na huduma za simu katika miji 89 India . Kitengo cha Biashara (Enterprise business) hutoa suluhisho kwa wateja wa makampuni, na huduma kwa makampuni yanayojihusisha na usafirishaji wa ndani na wa kimataifa. Huduma ya TV ya digital inatoa huduma nchini India . Huduma zote hizi zinapatikana chini ya chapa ya Airtel, (bila kuhusiha Bangaladesh na Africa ).

Miundombinu ya kimataifa ya mtandao wa Airtel inajumuisha umiliki wa mfumo wa mkongo wa baharini wa i2i na ushirika pamoja na umiliki katika mfumo wa mikongo mitano ya kimataifa ya baharini, SEA -ME-WE 4, EIG, I-ME-WE, AAG na UNITY. Kwa maelezo zaidi. Tembelea; www.airtel.in.

Zain yakabidhi zawadi kwa washindi wa promosheni ya SMS- JIVUNIE

Zain, Kampuni ya simu za mkononi inayoheshimika kwa kutoa huduma ya mawasiliano na kusambaa maeneo mengi zaidi hapa nchini imekabidhi jumla shilingi milioni mbili kwa washindi Promosheni ya SMS JIVUNIE.

Washindi waliokabidhiwa zawadi zao za pesa taslimu ambazo ni sh. 500,000/- kwa kila mmoja ni wale ambao ni wakazi wa jijini la Dar es Salaam wakati washindi wa kutoka nje ya Dar es Salaam taratibu za kuwakabidhi zawadi zao zinafanyika kuhakikisha kuwa nao pia wanakabidhiwa zawadi zao.

Washindi waliokabidhiwa zawadi ni Mashimba Mashimba, Chemu Hassani, Philip Masonda, Osole David Gilina, Godwin Joseph na Enock Dodan. Washindi hawa ni kati ya washindi 19 waliojishindia fedha taslimu ambazo jumla yake ni sh. Milioni 9.5 kutoka Zain.

Tangu kuanza kwa promosheni , Jumla ya washindi 26 kutoka mikoa mbalimbali wamejishindia zawadi mbalimbali zikiwemo Bajaj, baiskeli, na tiketi ya kushuhudia kombe la Dunia.

Meneja Masoko wa Zain Tanzania Costantine Magavilla alisema kuwa promosheni hiyo inaendelea kuchezeshwa ambapo washindi wataendelea kujishindia Zawadi mbalimbali kutoka Kampuni ya Simu za mkononi ya Zain Tanzania.

“Na leo hii kwa mara ya kwanza pia mtaweza kushuhudia tukimpa mshindi mwingine ambaye anajishindia tiketi ya kwenda kushuhudia kombe la Dunia, akiwa amelipiwa gharama zote yeye na mtu mwingine atakayemchagua kwenda naye, Kabla na baada kuisha kwa mwezi huu wa sita, tukiwa tumepata watanzania 12 watakaokwenda kushuhudia kombe la dunia nchini Afrika ya Kusini,”alisema Magavilla

Katika Promosheni ya JIVUNIE SMS kampuni ya Zain itatoa bajaj 10, baiskeli Toyota Corola 5, tiketi 12 za kushuhudia fainali za kombe la Dunia pamoja na fedha Taslimu 500,000/- kwa mshindi mmoja kwa kila siku. Zawadi kubwa katika promosheni hii itakuwa ni gari aina ya RAV 4 SUV.

Ili kushiriki katika promosheni hii ambayo inaendeshwa katika stahili ambayo mshiriki anajikusanyia pointi kutokana na maswali aliyoyajibu, mteja wa Zain anatakiwa kujisajili kwa kutuma neno JIVUNIE kwenda namba 15656.

Baada ya hapo mteja atapata ujumbe wa kumtaarifu kuwa sasa amesajiliwa na swali la kwanza litafuatia na maswali mengine pia yataendelea kuulizwa ambapo mshindi atapata pointi kutokana na kujibu majibu kwa usahihi.

Pointi za upendeleo zinatolewa endapo mshiriki atakuwa amefikia kiwango cha pointi ambazo zinatakiwa, na hii inaweza kumpa nafasi ya ushindi zaidi mshiriki na kujinyakulia zawadi za kila siku na zile za mwisho wa wiki.

RAIS WA RBP KUIPELEKA TWIGA STARS KAMBINI MAREKANI!!

Rais wa RBP OIL & Industrial Technology Tanzania Limited Rahma Al Kharoos akiongea na waandishi wa habari leo kwenye Hoteli ya Movenpick jijini Dar es salaam kulia ni Meneja Huduma wa kampuni hiyo Ibrahim Khatrush


Rais wa kapuni ya mafuta ya RBP Oil & Industrial Technology Tanzania Limited Rahma Al Kharoos ametangaza ziara ya timu ya taifa ya wanawake Twiga Stars kwnda nchini Marekani kwa mafunzo mbalimbali wiki ya kwanza ya mwezi Agosti.

Akizungumza kwenye mkutano na wandishi wa habari katika hoteli ya Movenpick jijini Dar es salaam Rais huyo amesema anaamini kuwa ziara hiyo itakuwa ni chachu ya mafanikio ya timu hiyo wakati itakapokwenda kucheza katika fainali za kombe la mataifa ya afrika kwa wanawake mwezi septemba nchini Afrika Kusini.

Amesema akiwa kama mlezi na mdhamini wa Twiga Stars na kwa kushirikiana na wenyeji wa ziara hiyo huko Marekani ambao ni taasisi ya FREEDOM WASHINGTON wamejipanga kuhakikisha ziara hiyo inakuwa ni ya mafanikio hasa ukizingatia kwamba timu ya Twiga Stars imeweka historia kwa nchi yetu kushiriki kwa mara ya kwanza katika mashindano hayo makubwa ya mpira wa miguu kwa wanawake.

Ameongeza kuwa Twiga Stars ikiwa Merekani itacheza michezo minne wa kwanza utakuwa ni wa kuchangia timu hiyo (Charity) ambapo watu mbalimbali watachangia timu yetu ili iweze kujiandaa vyema na mashindano hayo.

Jana Twiga Stars ilifanikiwa kukata tiketi ya kucheza fainali za kombe la mataifa ya Afrika kwa wanawake nchini Afrika kusini ambazo zitafanyika mwezi septemba mwaka huu baada ya kutoka sale ya magoli 3-3 na timu ya Eritrea.

Naomba wadau, wapenzi wa soka la wanawake kuiunga mkono timu hii ambayo imeleleta sifa na heshima taifa la TANZANIA kwa kupata nafasi hiyo ya kushiriki michuano mikubwa zaidi baraNI Afrika kwa wanawake. Naamini kuwa sasa milango ya wachezaji wanawake kucheza soka la kulipwa nje itatimia.

Mikel kutocheza Kombe la Dunia, majeruhi

Kukosekana kwa Obi Mikel ni pigo kwa safu ya kiungo ya Nigeria.

Kiungo wa timu ya taifa ya Nigeria, John Mikel Obi, ametangaza kujitoa katika michuano ya Kombe la Dunia 2010 huko Afrika Kusini kutokana na majeraha ya goti.

Mikel anaungana na nyota wengine wa Chelsea, Michael Essien na Michael Ballack ambao watakosa michuano hiyo mikubwa kutokana na majeraha, pia kuna wasi wasi kuwa Didier Drogba naye huenda asicheze.

Mchezaji huyo mwenye umri wa miaka 23, alifanyiwa upasuaji wa goti mwezi Mei, lakini amesema bado hajisikii kuwa amepona kikamilifu kiasi cha kucheza katika Kombe la Dunia.

"Tumemwondoa Mikel kutoka kikosi chetu baada ya kueleza kuwa asingependa kuhatarisha uchezaji wake," msemaji wa timu ya Nigeria alieleza.

Nafasi yake Obi Mikel itajazwa na Brown Ideye, mshambuliaji kutoka klabu ya Sochaux ya Ufaransa, ambaye hajawahi kuchezea timu ya taifa ya Nigeria.

Osward Mweyunge mshindi wa Gofu Lugalo

Prev 38 of 120 Next

Osward Mweyunge ameibuka mshindi katika mashindano ya mchezo wa gofu yaliyofanyika mwishoni mwa wiki katika viwanja vya mchezo huo vya Lugalo jijini Dar es Salaam baada ya kujipatia pointi 39.

Mashindano hayo ambayo yalishirikisha wachezaji wa rika mbalimbali yanadhaminiwa na kampuni ya simu za mkononi ya Zain Tanzania.

Kufuatia ushindi huo Osward ambaye ni kati ya vijana wanaochipukia katika mchezo wa gofu, alizawadiwa Seti ya vyombo vya ndani kutoka kampuni ya Zain pamoja na zawadi nyingine.

Mbali na Mweyunge washindi wengine ni Juma Likuli aliyepata point 37, Terence Mwakaluka aliyejipati point 31, Joseph Taird aliyejipatia point 38, Mohamed Rweyemamu aliyejipatia pointi 34 na Simon Sayore aliyejipatia point 31.

Washindi hawa pia walizawadiwa zawadi mbalimbali kutoka Kampuni ya Zain ikiwemo muda wa maongezi wa mtandao wa Zain.

Mweyunge alitoa wito kwa wadhamini wengine kujitokeza ili kuhakikisha kuwa mchezo wa gofu unachezwa katika kiwango kinachokubalika kitaifa na hata kimataifa.

“Sasa tuna Zain ambao kwa kiasi kikubwa wanahamasisha watanzania kucheza gofu lakini kwa kutoa zawadi ambazo pia zinawatia moyo wachezaji, bado tunaomba wafadhili wengine kujitokeza kudhamini mchezo huu,” alisema.

Kampuni ya Simu za mkononi ya Zain Tanzania ina mkakati wa muda mrefu wa kuendeleza mchezo wa gofu hapa nchini kwa kushirikiana na klabu ya gofu ya Lugalo ya jijini Dar es Salaam kuanzia kwa vijana wadogo ambao wana vipaji vya mchezo huo..

Ends.