NGUMI ZAPIGWA GONGOLAMBOTO

Bondia Said Mbelwa kulia akimkabizi kikombe cha ushindi bondia Abdul Kessy wakati wa mashinano ya mchezo uho uliofanyika katika ukumbi wa bluu star gongolamboto dar es salaam mwishoni mwa wiki iliyopita picha na www.superdboxingcoach.blogspot.com

Refarii Said Chaku katikati akiwanyoosha mkono juu mabonia wa kike waliojitokeza kusapoti mchezo huo

ngumi zikipigwa vilivyo wakati wa mpambano uho

mapambano ya utangulizi yakiendelea

Refarii Said Chaku akikata mpambano baada ya bondia mmoja kupigwa upcut na kudondoka chini kushindwa kuendelea na mpambano

Bondia Ane Julius kushoto na Abdul Kessy wakishambuliana kwa zamu wakati wa mchezo huo uliofanyika gongolamboto mwishoni mwa wiki iliyopita kessy alishinda kwa TKO ya raund ya tano picha na www.superdboxingcoach.blogspot.com

Bondia Mada Maugo akimkabizi tuzo bondia Ane Julias baada ya kupigwa na Abdul Kessy kushoto anaeshudia na Said Mbelwa

Bondia Ane Julius kushoto na Abdul Kessy wakishambuliana kwa zamu wakati wa mchezo huo uliofanyika gongolamboto mwishoni mwa wiki iliyopita kessy alishinda kwa TKO ya raund ya tano picha na www.superdboxingcoach.blogspot.com

GEITA WAPATA MSHINDI WA TAJI LA REDD'S 2013, NI SALSHA ISIDORE

Mshindi wa taji la Redd’s Miss Geita 2013, Salsha Isidore (katikati) akiwa mwenye furaha wakati wa kupiga picha ya pamoja na warembo wenzake Sia Kimambo (kulia) aliyeshika nafasi ya pili na Mshindi wa tatu wa shindano hilo, Nurieth Rashid. Salsha aliwashinda warembo wenzake 12 waliokuwa wakiwania taji hilo pamoja nae.

******      *******

Na Father Kidevu Blog, Geita

MREMBO Salshia Isidore amechaguliwa kuwa Redd’s Miss Geita 2013 baada ya kuwashinda warembo wenzake 12 katika shindano lililifanyika Jumamosi  Juni 1,  kwenye ukumbi wa Desire uliopo mjini Geita.

Wengine walioingia nafasi ya tatu bora ni pamoja na Nurieth Rashid aliyeshika nafasi ya tatu na Stella Magerezi alishika nafasi ya pili.

Katika shindano hilo lililosindikizwa na burudani safi kutoka kwa msanii Baby Madaha na Bob Haisa huku mgeni rasmi akiwa ni Mbunge wa Viti Maalum wa Geita Vicky Kamata.

Washindi hao watatu watawakilisha mkoa wa Geita kwenye shindano la Kanda ya Ziwa ili kuwapata washiriki watakaoenda ngazi ya taifa.

Akizungumza na washindi pamoja na warembo wengine kwa ujumla Vicky aliitaka jamii ya watu wa Geita kuyatambua mashindano hayo kuwa ni muhimu na yanasaidia suala la ajira.

Alisema kuwa kupitia mashindano hayo kuna mengi ambayo yanaweza kufanyika kwa kuwa mashindano hayo ni fursa ya kuzungumza na wananchi kuielezea masuala mbalimbali ya kimaisha.

“ Najua kwa sasa hata katika Bunge hili la bajeti kuna mengi ambayo tumeyajadili na kuyapitisha kwa ajili ya vijana na hasa pia kupitia sanaa na hivyo mashindano kama haya yanahusika kabisa” alisema Vicky.

Naye mwandaji wa shindano hilo alisema kuwa washindi hao mshindi wa kwanza amepewa laki tatu, huku wa pili amepewa laki mbili na wa tatu laki tatu.

 Warembo waliofanikiwa kuingia hatua ya tano bora wakiwa katika picha ya pamoja.

 Wanyange walioshiriki shindano la Redd's Miss Geita 2013 wakiwa katika picha ya pamoja jukwaani.

Mbunge wa Viti Maalum kutoka Mkoani Geita, Vicky Kamata (kulia) akitoa nasaha zake kwa washindi na warembo wote walioshiriki shindano hilo.

 Majaji wa shindano hilo kutoka kushoto, Godson Mkama, Hadija na Papaa wa Disire wakiwajibika.

 Mkurugenzi wa kamati ya Miss Tanzania, Hashim Lundenga (katikati) akiwa na Mbunge Vicky Kamata.

Mwandaaji wa Miss Geita, Lady Rose akiongea machache

MISS TABORA HUYU HAPA

Miss Tabora

Mh!

Style nyingine..........acha niishie hapa!!


Waheshimiwa nao walishuhudia

HIVI NDIVYO WATANZANIA WAISHIO SOUTH AFRICA WALIVYOUAGA MWILI WA MANGWEA

Watanzania waishio nchini South Africa, wamepata nafasi ya kuuaga mwili wa mwanamuziki ALBERT MANGWEA aliefia nchini humo … Hii hapa chini moja ya picha inayoonesha watu wakiaga mwili huo …

Mwili wa Marehemu Ngwair utawasili kesho jijini Dar Es Salaam na kuagwa na fans, marafiki na ndugu katika viwanja vya leaders club, kinondoni kabla ya safari ya kwenda Morogoro, ambapo atazikwa huko karibu kabisa na kaburi la baba yake mzazi …
Pumzika kwa Amani: Albert Mangweha.

TAMASHA LA COKE ZERO LAFANA ARUSHA

Mmwanamuziki wa kundi la muziki wa  Hip Hop la G-White Juma Abdallah akitumbuiza mamia ya wapenzi wa muziki  wakati wa tamasha la Coke Zero lililofanyika Jijini Arusha mwishoni mwa wiki.

Mmwanamuziki wa kundi la Hip Hop la G-White Paul Mushi akitumbuiza mamia ya wapenzi wa muziki  wakati wa tamasha la Coke Zero lililofanyika Jijini Arusha mwishoni mwa wiki.

Wakazi wa Jiji la Arusha na vitongoji vyake walijitokeza kwa wingi katika viwanja wa Soweto Jumamosi Juni Mosi kushuhudia miondoko ya wasanii wa muziki wakiongozwa na mkali wa Hip Hop nchini Joe makini pamoja na kikundi cha G-White.

Tamasha hili lilikuwa maalum kwa ajili wa uzinduzi wa kinywaji kipya cha Coca-cola Zero kanda ya kaskazini iliyo chini ya kampuni ya kutengeneza na kusambaza vinywaji baridi jamii ya Coca-Cola ya Bonite Bottlers yenye makao yake mjini Moshi.

Burudani hiyo ya aina yake ilianza saa nane kwa vijana waendesha piki piki wakionyesha umahiri wao wa kutawala chombo hicho cha moto kabla ya kikundu cha Hip Hop kcha Paul Mushi na Juma Adballah kupanda jukwaani na kupokelewa kwa shangwe na maelfu ya wapenzi wa muziki waliojitokeza kushuhudia tamasha hilo.

Akizungumza na waandishi wa habari katika tukio hilo, Mkurungenzi Mkuu wa Mauzo wa kampuni ya Bonite Bottlers Bw. Christopher Loiruk alisema kampuni yake inayo furaha kwa kuandaa tamasha hilo kuitambulisha Coke Zero  na kuburudika pamoja na wateja wao. 

‘Bonite Bottlers tumekuwa mstari wa mbele kudhamini michezo pamoja na kuendeleza vipaji vya vijana na leo tumeona kikundi kipya kabisa cha muziki wa Hip Hop kikipata nafasi ya kuonyesha umahiri. Wapenzi wa muziki watakubaliana name kuwa wakiendelea kupewa fursa na kuwezeshwa wataweza kuwa moja ya wasanii wanzuri sana hapa nchini.’ Anasema Bw. Loiruk.

Naye Meneja Bidhaa Coca-Cola Tanzania Maurice Njolowa alisema nia ya kampuni yake ni kuweka kinywaji kipya cha kampuni hiyo cha Coke Zero karibu na vijana na kwa kuandaa tamasha la bure kama hivi ndio njia nzuri ya kuwa karibu.

Tamasha hilo ni muendelezo wa tamasha la Coke Zero lililofanyika Coco Beach jijini Dar es Salaam wakati kinywaji hicho kisicho na sukari kilipozinduliwa jijini Dar es Salaam mwezi wa Machi mwaka huu. Tamasha lingine la Coke Zero litafanyika jijini Mwanza hivi karibuni

HUDDAH TOKA KENYA AYAAGA MASHINDANO YA BIG BROTHER..... MWAKILISHI WA TANZANIA ALIA NA WAVUTA UNGA

Maneno huumba....!!! Huddah ameliaga shindano hilo...
------------------------
Huddah ambaye ni mshiriki kutoka Kenya alijikuta akibubujikwa na machozi jana wakati akimuelezea Angelo (SA) kuhusiana na uhusiano wake wa kimapenzi ambao ni wa ku-beep yani vuta nikuvute ambao amekuwa nao nchini kwao.

Mrembo huyo hakutaja jina la mpenzi wake lakini inahisiwa alimaanisha kuwa katika mahusiano na Rapper Prezzo wa Kenya. Kwa muda sasa kumekuwa na umbea mtaani kuhusiana na uhusiano wa kimapenzi kati ya wawili hao lakini haijafahamika kinaga ubaga kama Huddah alimaanisha kum-miss Mr. President. ..

Mrembo huyo akizidi kufunguka, alielezea jinsia anavyo-miss mabusu motomoto, anavyo-miss kung'atwa shingoni n.k. “I miss the way that he kisses me. I miss him biting my neck”..

LEO MACHOZI YAKE YAMELIPWA BAADA YA MREMBO HUYO KUONDOLEWA NDANI YA JUMBA HILO....Mashabiki wamepiga kura ya kumwondoa ili asiendelee kumlilia mpenzi wake.....

Mshiriki mwingine aliyeaga mashindano hayo ni Denzel wa Uganda....

KWA UPANDE MWINGINE, mrembo wa Tanzania ,Feza anayeiwakilisha Tanzania alijikuta katika simanzi kali wakati alipoelezea kuhusu jinsi ambavyo kaka yake aliteseka kutokana na kujihusisha na madawa ya kulevya .. 'drugs'.
Feza alitumia fursa hiyo kuwasihi watu hasa vijana kujiepusha kabisa na madawa ya kulevya kwani ni hatari sana katika jamii inayotuzunguka..

COCACOLA WAMNUNULIA GARI JIPYA DIAMOND

Ukikutana na Diamond mtaani akiwa na mchuma mpya wenye rangi nyeusi, usishtuke sana, jua ni courtesy of Cocacola.

Inavyoonekana ni kuwa Cocaboy kama anavyojiita siku hizi, amenunuliwa gari jipya na wadhamini wake kampuni ya vichwaji ya Cocacola.

“Ya all ready know what it’s….. tukutane Fuel station!! #CocaCola Mumetishaaaaaa,” aliandika jana kwenye picha ya Instagram ya gari hilo likiwa na maganda yake.

“Chatin infront of my Small baby… on @channeloafrica interview at my clib,” aliongeza.
Siku nzima ya jana, hitmaker huyo wa Kesho alikuwa busy kwenye interview na kituo cha runinga cha Channel O.

KING CLASS MAWE ALIVYO MTWANGA AMOSI MWAMAKULA

Bondia Amos Mwamakula kushoto, Ibrahimu Class 'King Class Mawe' na Kocha wa kimataifa wa mchezo wa masumbwi nchini Rajabu Mhamila 'Super D Super Coach' wakiwa na furaha baada ya kumtwanga Amos

Kocha wa Kipamaifa wa Mchezo wa Masumbwi nchini Rajabu Mhamila 'Super D Super Coach' akimwinua juu juu bondia Ibrahimu Class' King Class Mawe' baada ya kumtwanga bondia Amos Mwamakula kwa pointi ilikuwa mei mosi 2013 katika ukumbi wa PTA Sabasaba Dar es salaam

Bilali ngonyani, Ibrahimu Class pamoja na Super D Super Coach

BASATA YAANZA KUYAFANYIA KAZI MAOMBI YA WASANII

Na Elizabeth John

BARAZA la Sanaa la Taifa (BASATA) kwa kushirikiana na Chama cha Waandishi wa Habari za Sanaa na Utamaduni (CAJAtz), kesho wanatarajia kuzikutanisha taasisi mbalimbali zinazohusika na urasimishaji ili kutoa elimu kwa wasanii, wadau na wakuzaji wa sanaa.

Akizungumza jijini Dar es Salaam, Kaimu katibu mkuu mtendaji wa BASATA, Godfrey  Mngereza, alisema kuwa taasisi hizo zitakutana katika ukumbi wa BASATA ulioko Ilala Sharif Shamba.

 
Mngereza alizitaja taasisi hizo ambazo zitakutana kuwa ni Bodi ya Filamu na Michezo ya Kuigiza, Chama cha Hakimiliki na Hakishiriki Tanzania (COSOTA), Mamlaka ya Mapato Tanzania (TRA) na Baraza la Sanaa la Taifa (BASATA).
 

  Alisema katika kuelekea urasimishaji wa sekta ya filamu na muziki ambao ulianza rasmi Januari mosi na ifikapo Julai mosi mwaka huu hakuna kazi yoyote ya filamu na muziki itakayoingia sokoni bila kuwa na stampu ya TRA.
 

  Pia aliwataka wadau wa sekta ya sanaa kupeleka michango na hoja zao ili kuleta mustakabali utakaojenga sekta ya sanaa.

Mwili wa Ngwair waagwa rasmi, kutua nchini kesho mchana

Baadhi ya Watanzania waishio Afrika Kusini wakiuaga mwili wa Ngwair (Picha kwa hisani ya deejaydeo.blogspot.com)

Kinjekitile 'Kinje' Ngombale Mwiru (mbele) akiwa na watanzania wengine kufanya harakati za mwili wa Ngwair kurejeshwa nchini.

BAADA ya danadana ya siku kadhaa juu ya ratiba kamili ya kuwasili kwa mwili wa msanii Albert Mangwea 'Ngwair' aliyefariki Jumanne iliyopita nchini Afrika Kusini, sasa imethibitika kuwa atatua nchini kesho mchana kabla ya mwili huo kuagwa na watanzania kwenye viwanjavya Leaders, Kinondoni.
Taarifa zilizopatikana jioni hii zinasema kuwa mwili wa msanii huyo umeagwa rasmi na watanzania waliopo nchini humo na kwamba kila kitu kimekamilika kwa ajili ya kesho kurafirishwa kuletwa Tanzania tayari kwa mazishi yatakayofanyika Alhamis katika makaburi ya eneo la Kihonda, Morogoro.
Awali kulikuwa na sintofahamu juu ya siku halisi ya mwili wa mkali huyo wa (free Style) kutokana na taarifa ya kwanza kuelezwa angetua nchini Jumamosi, kisha kuelezwa Jumapili kabla ya ratiba hiyo kuutwa asubuhi ya siku hiyo na kuelezwa ingekuwa leo au kesho.
Hata hivyo uhakika kabisa ni kwamba mwili wa nyota huyo wa albamu ya a.k.a Mimi na Ng'e utatua kesho kabla ya kuagwa jijini na kusafirishwa kwenda kuzikwa mjini Morogoro ambapo matayarisho mengine yamekamilika kwa kuhifadhi mwili wa mkali huyo aliyeenda Afrika Kusini kufanya maonyesho ya muziki na msanii mwezake M to the P, anayeendelea vyema kiafya nchini humo baadaya awali kuwa mahututi.

CHUO KIKUU CHA BIASHARA (CBE) CHA TWAA UBINGWA WA MASHINDANO YA MCHEZO WA POOL TAIFA

Mabingwa wa Pool 2013 timu ya Chuo cha Biashara jijini Dar es Salaam(CBE) wakishangilia na Kombe mara baada ya kukabidhiwa na Mwyekiti wa Baraza la Michezo Tanzania,Dionis Malinzi yaliyofanyika katika Viwanja vya Leaders jijini Dar es Salaam mwishoni mwa wiki.

Mwenyekiti wa Baraza la michezo Tanzania Dionis Malinzi(kushoto) akimkabidhi Kikombe nahodha wa timu ya chuo cha CBE,Abukakar Amri  mara baada ya chuo hicho kutwaa ubingwa wa mashindano ya Safari Lager Pool Competitio 2013yaliyomalizika mwishoni mwa wiki katika viwanja vya Leadres jijini Dar es Salaam.

Mwenyekiti wa Baraza la michezo Tanzania Dionis Malinzi(kushoto) akimkabidhi zawadi ya Bingwa wa Pool wanawake 2013,Liliana Meory kutoka chuo cha mara baada ya kuibuka Bingwa.

Mwenyekiti wa Baraza la michezo Tanzania Dionis Malinzi(kushoto) akimkabidhi zawadi ya mshindi wa Pool wanaume,Said Mohamed (kulia) wa Chuo Kikuu Ruaha (RUCO) mara baada ya kuibuka bingwa katika fainali hizo. Katikati ni meneja wa Bia ya Safari Lager, Oscar Shelukindo CHUO kikuu cha Biashara(CBE), jana kilifanikiwa kutwaa ubingwa wa mashidano ya mchezo wa pool Taifa kwa wanafunzi wa vyuo vikuu yakijulikana kwa 'Safari Lager Higher Learning Pool Competition 2013' baada ya kukifunga chuo kikuu cha Mzumbe Mbeya magoli 13-5 katika mchezo wa fainali ya mashindano hayo. Mashindano hayo  ambayo mgeni rasmi alikuwa ni Mwenyekiti wa Baraza la Michezo Tanzania(BMT), Dionis Malinzi, yalifanyikia kwenye  wa Viwanja vya Leaders Club mwishoni mwa wiki jijini Dar es Salaam. Jumla ya vyuo vikuu vinane kutoka katika mikoa minane ambavyo vilipatikana baada ya kutwaa ubingwa wa mkoa vilishiriki mashindano hayo ambayo yanadhaminiwa na Kampuni ya Bia Tanzania (TBL) kupitia bia yake ya Safari Lager. Vyuo hivyo ni Ruaha Universititi College(RUCO) kutoka Iringa,Mzumbe University(Mbeya Campus College) kutoka Mbeya,Mzumbe University-Morogoro,St.John University-Dodoma,Moshi University College of Co-operativeand Business Studies(MUCCOBS) kutoka Kilimanjaro,Institute of Accountancy Arusha(IAA) kutoka Arusha,mabingwa wa mwaka jana St.Augustine University of Tanzania(SAUT) kutoka Mwanza na wenyeji wa mashindano College of Business Education(CBE) ya Dar es Salaam Chuo cha CBE kwa kutwaa ubingwa huo kwa mwaka 2013 kilijinyakulia Kombe na fedha taslim Sh.2,500,000 ambapo mshindi wa pili Mzumbe Mbeya kilizawadiwa fedha taslimu Sh.1,500,00. Chuo cha Mzumbe Morogoro kilichukua nafasi ya tatu kwa kuwafunga mabingwa watetezi SAUT 13-8 na hivyo kujinyakulia fedha taslim Sh.1,300,000 na mshindi wa nne akawa SAUT ambaye alizawadiwa fedha taslim Sh.1,000,000. Vyuo vinne vilivyotolewa kutoka katika mikoa mine ambavyo RUCO-Iringa,St.John Dodoma,MUCCOBS Kilimanjaro na IAA Arusha vilipewa kifuta jasho cha Sh.500,000 kila chuo. Kwa upande wa mchezaji mmoja mmoja (wanaume), Said Mohamed kutoka chuo cha RUCO Iringa aliibuka kuwa bingwa na kuzawadiwa fedha taslimu Sh.300,000  baada ya kumfunga George Titto wa SUA Morogoro ambaye ndiye mshindi wa pili alizawadiwa Sh.200,000.Mshindui wa tatu ni Patrick Peter kutoka chuo cha IFM ambaye alizawadiwa Sh.150,000 na wanne ni Walter Thomson wa TEKU Mbeya ambaye alizawadiwa Sh.100,000. Udande wa wanawake, Lilian Meoli wa chuo cha CBE Dar es Salaam alifanikiwa kutwaa ubingwa na kujinyakulia fedha taslimu Sh.200,000 baada ya kumfunga Agnes Jacob wa chuo cha CBE Mwanza 2-0 ambapo Agnes alikamata nafasi ya pili na kuzawadiwa Sh.150,000.Mshindi wa tatu ni Amina Mhina wa chuo cha Mzumbe Mbeya alizawadiwa Sh.100,000 na wan ne Lemi Jaksoni kutoka St.Anthon Dodoma ambaye alizawadiwa Sh.50,000. Kabla ya kukabidhi zawadi kwa washindi, Mwenyekiti wa Baraza la Michezo Tanzania,Dionis Malinzi aliwapongeza wadhamini  wakuu wa mchezo huo nchini, bia ya Safari Lager kwa kuweza kuuinua mchezo huo na kuufikisha hapa ulipofika. Malinzi pia aliwapongeza viongozi wa Chama cha Pool  kuanzia mikoa hadi taifa kwa ushirikiano  wao ambao umeendelea kumvutia mdhamini kuendelea kuudhamini mchezo huo bila ya kurudi nyuma.. "Ni vema mkaendeleza amani na ushirikiano mlionao sasa ili mchezo wa pool uendelee kumvutia kila Mtanzania. Nakwa upande wa serikali inautambua kama ilivyo michezo mingine na Baraza la michezo itaendelea kuwaunga mkono katika kuuendeleza zaidi ili siku moja uweze kuiletea heshima Tanzania katika mashindano ya kimataifa,"alisema Malinzi.

Azam yaanika silaha zake kwa msimu wa 2013-2014

Kocha Stewart John Hall akionyesha makeke yake kwenye mazoezi

Wakali wa klabu ya Azam ambapo baadhi wa hawatakuwa kwenye kikosi cha msimu ujao akiwemo Gaucho (24)

 

KLABU ya soka ya Azama imeweka bayana kwamba haitaacha mchezaji iliyo na mkataba naye na wala haitaongeza mchezaji mwingine katika kikosi ilichonacho sasa. 

Kwa mujibu wa taarifa yake, Azam imesema kama ilivyokuwa wakati wa dirisha kubwa la usajili 2012/13 ambapo Azam  ilimuongeza George Odhiambo 'Blackberry' pekee, safari hii imepandisha twachezaji wawili wa U20, Mudathir Yahaya na golikipa Hamadi Juma Yahya Kadedi na kufunga zoezi la usajili.

Taarifa hiyo inanukuu ripoti toka kwa Kocha mkuu wa Azam Stewart Hall, kuwa hakuna sababu ya klabu kwenda nje kusajili wachezaji ambao viwango vyao havipishani na waliopo klabuni.

Mchezaji Abdulhalim Humoud amepata timu nchini Afrika ya Kusini, Abdi Kassim 'Babi' mkataba wake umekwisha kama ilivyo kwa Deogratius Munishi Dida huku Uhuru Selemani akirejeshwa Simba SC baada ya kumaliza msimu wa mkopo na Azam FC.

Wachezaji wengine wote waliosalia wanabaki klabuni na kocha mkuu amependekeza baadhi ya makinda wa Under 20 walioonesha viwango vya juu wapandishwe timu kubwa, wapewe mikataba na kisha wapelekwe kwa mkopo ili wakapate nafasi ya kucheza. Wachezaji hao ni Omary Mtaki na Kevin Friday.

Azam ambayo imemaliza ligi ikishika nafasi ya pili kwa msimu wa pili mfululizo itaanza kambi ya kujiandaa na msimu mpya hapo June 24 kwa mujibu wa ratiba ya mwalimu na baada ya kumaliza kipindi cha pre season, kikosi cha Azam kitasafiri nje ya nchi kucheza mechi za majaribio kama ilivyo kawaida yake.

Wachezaji wanaounda kikosi cha Azam FC ni;

Magolikipa; Mwadili Ally, Aishi Salum na Hamad Juma Yahya

Mabeki; Himid Mao, Erasto Nyoni, Waziri Salum, Samih Nuhu, Luckson Kakolaki, Aggrey Morris, Said Moradi, David Mwantika na Jockins Atudo

Viungo; Kipre Bolou, Salum Abubakar, Jabir Aziz, Ibrahim Mwaipopo, Humphrey Mieno na Mudathir Yahya

Washambuliaji; John Bocco, Gaudence Mwaikimba, Khamis Mcha, Kipre Tchetche, Brian Umony na Abdallah Seif Karihe

NIKI MBISHI, CHID BENZI WAMUENZI NGWEA

Na Elizabeth John

MSANII wa muziki wa kizazi kipya nchini, Chid Benz ameachia ngoma yake mpya inayokwenda kwa jina la ‘R I P Ngwea’ akiwa na lengo la kumkumbuka msanii wa muziki wa hip hop, Albert Mangwea aliyefariki Mei 28 mwaka huu, nchini Afrika Kusini.

Akizungumza jijini Dar es Salaam, Chid Benz alisema mashairi ya ngoma hiyo, yanazungumzia mazuri yote aliyokuwa anayafanya Ngwea enzi za uhai wake hadi anapofikwa na mauti.

“Ngwea alikua ni mtu ambaye anaelewa kitu anachokifanya katika muziki wake na najua hakuna shabiki ambaye alikua anazichukia kazi zake klutokana na uwezo wake wa kusimama katika mashairi,” alisema Chid.

Katika hatua nyingine, mkali wa muziki huo, Niki Mbishi ameachia kazi yake mpya inayokwenda kwa jina la ‘Imeandikwa’ ambayo pia ni ya kumuenzi msanii huyo.

Niki Mbishi alisema wimbo huo tayari umeanza kusikika katika vituo mbalimbali vya redio na kwamba anawaomba mashabiki wa muziki huo wampe sapoti katika kumuenzi nyota huyo.

“Kiukweli Ngwea ni kati ya wasanii ambao walikua wanakubalika katika jamii, binafsi namuombea apumzike kwa amani, yeye katungulia sisi tutafuata,” alisema Niki MbisI.

BALOZI PETER KALLAGHE APOKEA ZIARA YA KOMBE LITAKALOSHINDANIWA KATIKA AFRICAN NATIONS CUP UK KUANZIA LEO

 Balozi kallaghe (kushoto) akipokea Kombe kutoka kwa Timu ya Waandaaji wa masjindano ya Kombe la African Nations Cup UK , yatakayoshirikisha Timu 20 za Nchi za jamii ya kiafrika zinazoishi Uingereza (African Dispora). Mashindano hayo yameanza kutimua vumbi hii leo jijini London.

  Ballozi Kallaghe akikabidhiwa Kombe na Waandalizi ikiwa kama ishara ya Timu za Zanzibar Islands na Tanzania kushiriki katika mashindano hayo. Pichani wa kwanza kushoto ni  Kocha / Kiongozi wa Timu ya Tanzania Abdul Kassim, akifuatiwa na kijana Dula , Kapteni wa Tanzania Team. Pembeni ya Balozi ni Director wa Tanzania Trade Centre Mr Yusuph Kashangwa.

 Balozi Kallaghe akimkabidhu Captain wa timu ya Zanzibar Islands , Fahad na Captain wa Timu ya Tanzania Dula , kombe ambalo timu zao zitashuka dimbani siku ya Jumapili ya Tarehe 02/06/2013, ambapo katika kuchezesha Droo ya michuano hiyo timu za Zanzibar na Tanzania Bara zimepangwa kukutana katika mchezo wa fungua dimba hapo kesho.

 Balozi akiwa katika picha ya pamoja na Viongozi wa Timu zetu na Baadhi ya Vijana wachezaji, baada ya kuwakabidhi Kombe na Bendera ya Tanzania itakayopepea kwenye mashindano hayo kuanzia tarehe 01/06/2013 katika viwanja vya Memorial Grounds , Forest gate  na Fainali kuwa tarehe 15/06/2013 katika Uwanja wa Westham Football Grounds (Upton Park ).

 Balozi Kallaghe akiwa katika picha ya pamoja na Waandaaji wa Shindano hilo litakaloundanisha timu za Nchi 20 za jamii ya Africa wanaoishi Uingereza. Pichani vilevile ni baadhi ya Viongozi wa Timu zetu za Tanzania na Zanzibar islands.

WATANZANIA WOTE MNAOMBWA MJITOKEZE KWA WINGI KATIKA KUSHANGILIA TIMU ZETU . MASHINDANO YANAANZA JUMAMOSI HII

 TAREHE 01/06/2013 kwenye MEMORIAL PARK GROUNDS , East London,

TUNAWATAKIA KILA LA KHERI TIMU ZOTE KOMBE LIRUDI UBALOZINI KUTOKA KATIKA TIMU MOJAWAPO YA JAMHURI YA MUUNGANO YA TANZANIA

BIGRIGHT KUHAMASISHA MASUMBWI

kampuni iliyojitolea kuinua vipaji vya michezo nchini ya Bigright promotion, katika kuusambaza mchezo wa masumbwi nchini imeandaa mchezo mwingine kibaha-picha ya ndege kwa kuwakutanisha mabondia wakali wa eneo hilo la pichayandege  na wale waishio mjini ambao mara kwa mara hupata kucheza michezo mingi tofauti na vijana walio nje ya mji kama hao wa picha ya ndege.

Akilizungumzia pambano hilo Ibrahim kamwe, ambae pia ni katibu wa ngumi za kulipwa nchini na ndie anaeratibu mapambano hayo alisema huo ni mkakati aliouanzisha akianzia kwa lile pambano la chalinze mwezi uliopita na tarehe 25/5/2013 hili hapa la kibaha, litafuatia la tarehe 9/5/2013 kule bagamoyo na mapambano mengine yatakayo tangazwa hapo baadae tarehe ikiwa imeshapangwa.

hapo kibaha picha ya ndege tunategemea kuwachezesha GODWIN KEVIN wa pichaya ndege na saleh mkalekwa wa Dar es salaam,nae bondia machachali anaechipukia kwa kasi ambae bado hajapoteza pambano hata moja bondia toka kibaha mwenye mwili mkubwa na maguvu mengi ZUMBA KUKWE atazipiga na jofrey katili toka dar mapambano hayo ni ya raundi nanenane,pia kutakuwepo na mapambano mengine mengi ya utangulizi na ngumi zinategemewa kuanza saa kumi jioni katika ukumbi wa CCM hall hapohapo picha ya ndege.

Taswira:CHADEMA kanda ya Kaskazini yagawa pikipiki za kampeni kwa ajili ya uchaguzi wa madiwani

Picha na Chadema

MH. DEWJI AMWAGA MISAADA KATIKA JIMBO LA SINGIDA YENYE THAMANI YA ZAIDI YA SHILINGI MILIONI 87 NA KUWATAKA VIONGOZI KUTEKELEZA ILANI ZA CCM.

Picha juu na chini ni Mbunge wa jimbo la Singida mjini, Mh. Mohammed Gullam Dewji akihutubia wananchi kwenye mkutano wa hadhara uliofanyika kwenye kituo cha mabasi cha zamani mjini Singida.

Baadhi ya wananchi waliohudhuria mkutano wa hadhara ulioitishwa kwa ajili ya mbunge wa jimbo la Singida mjini Mh. Mohammed Gullam Dewji kuzungumza na wananchi wa jimbo lake.

Mbunge wa jimbo la Singida mjini, Mh. Mohammed Gullam Dewji, akiwa anasalimiana na Wana CCM na wananchi wa Singida mjini kwenye kituo cha mabasi cha zamani mjini Singida.Picha zote na Nathaniel Limu

--

Na Nathaniel Limu.

Mbunge wa Singida mjini (CCM) Mh. Mohammed Gullam Dewji amemwaga misaada mbalimbali ikiwemo kuwaongezea mitaji wauza kahawa chungu, ambayo haijawahi kutolewa jimboni humo na mbunge au mfadhili yeyote kwa wakati mmoja, kabla na baada ya Tanzania kupata uhuru.

Misaada hiyo yenye thamani ya zaidi ya shilingi milioni 87.9, ni pamoja na mabati 100 na mifuko ya saruji 100, kwa kila shule 17 za sekondari jimboni humo.

Misaada mingine ni vyereheni viwili kwa kila kata 19 na cherehani moja kwa kila tawi la CCM jimboni humo.

Pia vikundi 16 vya wajasiriamali vikiwemo vya kung’arisha viatu, mafundi baiskeli, wapiga debe wa vituo vya mabasi, wasukuma matoroli, wakereketwa wa mashina ya CCM, watengeneza viatu vya kienyeji na baba, mama lishe, kila kimoja kimeongezewa mtaji wa shilingi 500,000 taslimu.

Vifaa hivyo na mitaji ya biashara, vimetolewa kwenye mkutano wa hadhara uliofanyika kwenye kituo cha zamani cha mabasi mjini Singida.

Akizungumza kwenye mkutano huo wa hadhara uliohudhuriwa na maelfu ya wana-CCM na wananchi kwa ujumla, Mh. Dewji amesema msaada huo ni mwendelezo wa misaada yake anayoitoa kwa ajili ya kuiunga mkono serikali katika kuwatumikia wananchi.Amesema pia kuwa misaada hiyo ni sehemu yake ya utekelezaji wa ilani ya CCM katika kuwatumikia wananchi wa jimbo la Singida mjini.

Amesema “Tunatakiwa tujitume usiku na mchana, ili tuhakikishe kila tuliyoyaahidi kwenye ilani yetu, yote tumeyakamilisha, vinginevyo wananchi hawatatuelewa. Wananchi wanahitaji utimilifu wa ahadi na sio uhodari wa kujieleza kwenye majukwaa”.

Katika hatua nyingine, Mh. Dewji ametumia fursa hiyo kuwaomba viongozi na watendaji kuendelea na moyo safi wa kuwatumikia wananchi bila kuchoka.

Amesema pia wawe waaminifu na waadilifu kwa wananchi na waongozwe kwa dhamira iliyo njema, yenye uzalendo wa kuipenda nchi yetu na watu wake.

Mbunge Dewji amesema “Tuendelee kuhubiri amani na utulivu kwenye majukwaa, wakati wote tuwaelekeze wananchi kwenye kujiletea maendeleo endelevu ya wakati huu na wakati ujao”.

NEY WA MITEGO: NDOA ZINASHUSHA KIWANGO CHA MSANII

Na Elizabeth John

MKALI wa muziki wa kizazi kipya nchini, Emmanuel Elibriki ‘Ney wa Mitego’ amesema asilimia kubwa ya wasanii ambao wanashuka kimuziki ni wale ambao wanakua wameingia katika maswala ya ndoa.

Akizungumza jijini Dar es Salaam, Ney alisema wasanii wengi wa bongo wanakurupuka katika hilo na ikitokea ambaye amejipanga ni wachache sana na hapa bongo hajaona.

“Wasanii wengi wa bongo tunakurupuka na hatujipangi katika mambo ya familia zetu na ndio maan aikitokea msanii anaoa basi ujue lazima atashuka kimuziki,” alisema Ney.

Katika hatua nyingine, mkali huyo alimpongeza msanii mwenzake, Naseeb Abdul ‘Diamond Platinum’ kwa kuwa na mpango wa kuoa hivi karibuni.

“Diamond ni mdogo wangu, nampa hongera kwa kutaka kuingia katika maisha ya ndoa hilo sio swala dogo namuombea afanikishe mipango hiyo,” alisema.

Diamond ametangaza kwamba anatarajia kufunga ndoa miezi miwili ijayo na kusema kwamba anaamini kwa kufanyahivyo utakua ni hatua moja wapo ya kuzidi kufanikiwa kimaisha.