Ghana yataka FIFA ibadili sheria

Diego Forlan (kushoto) na Asamoah Gyan (kulia)

Waziri wa michezo wa Ghana amesema shirikisho la soka duniani FIFA linatakiwa kubadilisha sheria za mchezo wa soka kufuatia kuondolewa kwa Ghana kwenye robo fainali ya Kombe la Dunia baada ya kutumika mikono.

Waziri huyo Akua Sena Dansua hajasema ni sheria zipi angetaka zibadilishwe, lakini watu wengi wamekuwa wakisema mwamuzi wa mchuano wa robo fainali kati ya Ghana na Uruguay angetakiwa kuipa Ghana goli, wakati mchezaji wa Uruguay Luis Suarez alipoondosha kwa mikono mpira uliokuwa unaingia kwenye lango la timu yake.

Kwenye mechi hiyo mshambuliaji wa Ghana Dominic Adiyah alipiga mpira kwa kichwa ukaeleka kuingia katika lango la Uruguay ukibakia muda mfupi sana kabla ya mechi kumalizika, lakini Suarez ambaye ni mchezaji wa ndani akauondosha kwa mikono.

Mwamuzi alimwonyesha kadi nyekundu Suarez na akawapa Ghana penati ambayo Asamoah Gyan alipiga nje.

Adhabu hiyo ni kulingana na sheria zilizopo za shirikisho la soka dunia FIFA.

Mechi ilimalizika kwa sare, ikalazimika kuingia mikwaju ya penalti na Uruguay wakaibuka washindi wa mabao 4-2.

Ghana ilikuwa timu ya Afrika kufikia hatua ya robo fainali katika Kombe la Dunia.

Baada ya kurejea nyumbani Black Stars walipokelewa kwa shangwe na nderemo mjini Accra.

Rais wa Ghana John Atta Mills alisema wachezaji hao watapewa tuzo za kitaifa na pia dola 20,000 kila mmoja.

Mashabiki wa soka kote barani Afrika waliishabikia Ghana wakati wa mchuano huo, na wengi walipigika sana baada ya Black Stars kuondolewa.

Ilikuwa ni timu pekee ya Afrika iliyobakia kwenye mashindano baada ya timu zingine tano za Afrika kuondolewa kwenye raundi ya kwanza ya michuano hiyo.

ZAINI YAKABIDHI MADAWATI SHULE YA MSINGI KASULU

Mbunge wa Jimbo la Ilala Mussa Azan akiongea na Meneja wa Shughuli za Kijamii wa Zain Tanzania Tunu Kavishe (Kushoto) mara baada ya kukabidhi madawati yaliyotolewa hivi karibuni na kampuni ya simu za mkononi ya Zain Tanzania kwa shule ya msingi ya Kasulu iliyoko katika Wilaya ya Ilala jijini Dar es Salaam.

Mwalimu Mkuu wa shule ya msingi ya Kasulu iliyoko katika Manispaa ya Ilala jijini Dar es Salaam Moshi Mikidadi (kushoto) akipokea msaada wa madawati mia moja yenye thamani ya zaidi ya shilingi milioni saba kutoka kwa Meneja wa Shughuli za Kijamii wa Zain Tanzania Tunu Kavishe (Kushoto) mara baada ya kukabidhi madawati yaliyotolewa hivi karibuni na kampuni ya simu za mkononi ya Zain Tanzania kwa shule ya msingi ya Kasulu iliyoko katika Wilaya ya Ilala jijini Dar es Salaam.

Mbunge wa Jimbo la Ilala Mussa Azan (katikati) akimpongeza Meneja wa shughuli za Kijamii ya Zain Tanzania Tunu Kavishe (kushoto) mara baada ya kukabidhi madawati mia moja yenye thamani ya zaidi ya milioni saba kutoka kampuni ya Zain Tanzania kwa shule ya msingi Kasulu . Makabidhiano hayo yamefanyika hivi karibuni jijini Dar es Salaam. Kulia ni Mwalimu Mkuu wa shule hiyo Moshi Mikidadi.

ziff kuanza rasmi julai 10,2010

Mkurugenzi wa Tamasha la ZIFF,Dr. Martin Mhando akifafanua jambo kwa wadau waliofika katika mkutano wa ufunguzi rasmi wa tamasha hilo uliofanyika leo katika ukumbi wa Alliance Francaise jijini Dar.
Mratibu wa Maswala ya Muziki wa ZIFF,Edward Lusala (kushoto) akitaja list ya wasanii watakao panda jukwaani katika tamasha hilo linalotazamiwa kuanza rasmi Julai 10 mpaka Julai 18 huko kisiwani Zanzibar.wengine toka kulia ni Dean Nyalusi (Meneja wa ZIFF),Dr. Martin Mhando (Mkurugenzi wa ZIFF) na Ibrahim Mitawi (Msaidizi wa mambo ya Kiufundi ZIFF).
Baadhi ya wadau walifika leo katika ufunguzi rasmi wa tamasha la ZIFF katika ukumbi wa Alliance Francaise jijini Dar wakifuatilia kwa makini maelezo ya Dr. Mhando (hayupo pichani)..


ZANZIBAR INTERNATIONAL FILM FESTIVAL

Zanzibar International Film Festival (July 10th-18th) ni tamasha kubwa kuliko yote ya utamaduni ya aina yake kwenye ukanda wa Afrika mashariki. Ikiwa imetimiza miaka 13 na kuudhuriwa kila mwaka na zaidi ya wageni 200,000 na kushirikisha nchi 43, ZIFF ni taasisi ya wazanzibari yenye kulenga zaidi filamu za kiafrika huku ikisherehekea na kuthamini utajiri wa tamaduni zilizopo ndani ya ukanda huu na zaidi

Tofauti na tamasha lingine lolote, hili ni tajiriba ya aina yake ya tamaduni za kiafrika. Hakuna zuria jekundu, Umaridadi na waandishi wa habari za udaku.

ZIFF ni tamasha linalokuja mara mmoja tu kwa mwaka, ni nafasi ya pekee kwa Wazanzibari kujumuika pamoja na kutazama filamu kwenye viwambo vikubwa. Kwa mwaka huu filamu zote zitaonyeshwa bure kwa wakazi wote wa Zanzibar!


ZIFF’s theme this year’s is Hopes in Harmony.
Mwishoni mwa mwaka huu Zanzibar itafanya uchaguzi mkuu wa serikali. Kuna historia ya machafuko kipindi cha uchaguzi kwa kutazama uchaguzi uliopita mwaka 2005 kati ya wanaounga mkono upinzania na polisi. Mbiu ya tamasha kwa mwaka huu ina angaz matakwa ya watu wa kisiwa hiki ya amani na muafaka.

Filamu ya ufunguzi, ni filamu yenye tunzo inayo muhusu mwanamziki maarufu Youssou N’Dour, I Bring What I love (Naleta nachokipenda), inayozungumzia ]addresses the themes of religious tolerance, harmony and peace.

“I Bring What I Love” imedhaminiwa na SIGNIS.


Key Facts & Figures in 2009
• Waudhuriaji Mji Mkongwe: 45,000
• Waudhuriaji Dar es salaam: 200,000
• Wageni toka nje: 12,000
• Nchi zilizo shiriki: 43
• Filamu zitakazoonyeshwa mwaka huu: 100


Vitu Vya Kutazamia Mwaka Huu…
Fainali ya Kombe la dunia! Kwa kuzindua tamasha 2010 tutaonyesha mechi ya fainali ya kombe la dunia ndani ya Ngome Kongwe.

Filamu ya ufunguzi
Youssou N’Dour. I Bring What I Love Ni filamu yenye tunzo nyingi. Ya kuhamasisha, inayotupeleka kwenye safari ya kimziki, yenye ushuhuda wa nguvu ya sauti ya mtu mmoja kuhamasisha mamilioni. Muongozaji wa Filamu: Elizabeth Chai Vasarhelyi. Imedhaminiwa na SIGNIS.

Nipe Jibu: Kuonyeshwa kwa mara ya kwanza . Filamu ya kwanza ya kuchanganya Muziki na kuigiza Muongozaji Nadine Louise Fasera. Nipe Jibu ni filamu nzuri ya Kiswahili yenye kuchanganya muziki iliyotengenezwa kwa mtazamo wa kisasa na kitamaduni kwa simulizi iliyochangamka juu ya binti yatima anayeishi kwenye maisha ya ndoto.

My Policy: Kuonyeshwa kwa mara ya kwanza. Kijana mdogo mfanya biashara anapigwa risasi kwenye siku yake ya kuzaliwa akiwa anarejea nyumbani kwake akitokea kwenye tafrija yake kusherehekea siku hii muhimu akiwa na mchumba wake, Victoria. Wiki chache baadae, Yule aliyempiga risasi amjia na kumchoma kisu hadi kufa. Kwa kupagawa na pigo hili, Victoria aamua kuhama Montreal na kuanza maisha mapya, Lakini muuaji amjia nay eye pia.... Muongozaji: Phad Mutumba

Motherland: African premiere - Kuonyeshwa kwa mara ya kwanza Africa

Ana’s Playground: African premiere

Lamu’s Maulid: world premiere

Inside Life: world premiere
Pumzi: East Africa’s first ever science fiction film
A sneak preview of Twiga Stars

Muziki
ZIFF 2010 Itakua ikisakata kwenye burudani ya muziki na… Dully Sykes – AKA Mr Misifa ama Mr Chicks, Msanii anayetambulika sana kwa miondoko ya dancehall Tanzania. AY, Msanii anayengara ndani ya Africa Mashariki akiwakilisha vyema Tanznia na balozi wa burudani Tanzania, Kidumu , Ndiye mwanamuziki maarufu Africa Mashariki toka Burundi anayeshikilia Tunzo nyingi ikiwemo tunzo ya Muziki bora wa Afrika Mashariki kwa Tunzo za Tanzania Music Awards, Body Mind Soul Bendi ya watu 6 kutoka Kaskazini mwa Malawi wanaopiga mziki wa kiafrika wenye vionjo vya Jazz, Windhund featuring Sekembuke & Siga bendi kutoka Austria inayotumia vionjo vya kizungu na kiafrika, ushairi na sanaa ya simulizi ili kuleto vionjo vipya na vya aina yake kwenye ulimwengu wa muziki.

Filamu za Watoto!
Kwa kushirikiana na taasisi ya filamu ya Kidanish, Maonyesho ya filamu za Watoto zitaonyeshwa makundi makubwa ya Watoto, zikiwa zimetafsiriwa kwa Kiswahili kwajili ya Watoto na vijana wa Mji mkongwe.

Art exhibtions
"Hopes in Harmony" (Matumaini yenye Kuafikiana) – Onyesho la picha yanayoletwa na mpiga picha toka Italy, Carlo Deste
"Colour Bash" – Uchoraji wa vitenge kutoka pande mbalimbali za Afrika, na Mahelia de Randamie
Artwork kutoka wakina mama wa Iranian, Hii inaletwa na Ubalozi wa Iranian embassy
kwa kushirikiana na Soko Filam, ambapo watengeneza filamu na wachongaji toka Zanzibar wanakuja kuonyesha na kuuza bidhaa zao..

Tasnia
ZIFF ni tukio muimu kwenye jumuiya ya Cinema duniani. Festival Forum na Festival of Festival program inatoa nafasi kwa wasambazaji, mapromota, waongozaji wa filamu na waandaji kukutana ili kukomaza mizizi kwenye tasnia ya filamu kwenye nchi zinazoendelea. Mwaka huu wawakilishi toka Trinidad na Tobago, Uganda, Holland, Iran, Mexico and Italy watashiriki ZIFF kujadili nafasi ya matamasha ya filamu kwenye nchi zinazoendelea.

Warsha
ZIFF itaendesha warsha tatu wakitoa upendeleo kwa ushiriki wa waandaji filamu toka ukanda huu wa Afrika mashariki kwa waandaji wenye kuonyesha hari na vipaji vyenye mlengo wa kuibuka kwenye tasnia hii.

WARSHA ZA NAMNA YA KUOMBA MISAADA YA KIFEDHA KUANDAA FILAMU NA WARSHA – warsha itaongozwa na wakufunzi toka Sweden and Uganda

UANDAAJI WA MAKALA: CONNIE FIELD – Warsha hii ya siku nzima italeta mtazamo mzima wa namna ya kuandaa makala chini ya usimamizi wa mshikiliaji wa tunzo ya uandaaji wa makala(producer / director), Connie Field.

CINEPHILMS:UTENGENEZAJI WA FILAMU KUTUMIA SIMU YA MKONONI – Hii warsha ya aina yake itaongozwa na Jonathan Dockney wa chuo kikuu cha Natal South Africa. Utengenezaji wa filamu kwa kutumia simu za mkononi ni teknolojia inayo ibuka kwa kasi sana. Njo ujifunze jinsi ya kutengeneza filamu kwa simu!

Tafadhali bonyeza hapO kwa maelezo zaidi:

www.ziff.or.tz
ama
www.ziff.or.tz/press

Asmah Makua
(Swahili Press)
asmahmakau@yahoo.co.in
Tel no: 0713711413
Laura Martin-Robinson
(English language Press)
press@ziff.or.tz
Tel: +255 782689845

TBL yaipiga jeki timu ya taswa fc ya arusha

Mwenyekiti wa chama cha waandishi wa habari za michezo ambaye pia ni Mratibu wa tamasha la waandishi wa habari za michezo,Jamila Omari akiongea na waandishi wa habari kuhusiana na tamasha hilo la michezo linalotarajia kufanyika Agost 1 mwaka huu.katikati ni Meneja matukio wakanda ya kaskazini wa TBL,George Mombeki na kushoto ni Katibu wa chamacha waandishi wa habari za michezo,Mussa Juma
Nahodha wa timu ya Taswa FC ya mkoa wa Arusha Moses Kilinga akikabithiwa jezi na mpira na mratibu wa tamasha hilo Jamila Omary kwa ajili ya maandalizi ya timu yake.
Meneja matukio wakanda ya kaskazini wa TBL,George Mombeki akimkabithi Mwenyekiti wa chama cha waandishi wa habari za michezo ambaye pia ni Mratibuwa tamasha la waandishi wa habari za michezo,Jamila Omari mfano wa hundi yenye thamani ya shilingi milioni mbili iliyotolewa na kampuniya bia ya TBl kwa ajili ya mashindano hayo.


Na Woinde Shizza,Arusha

kampuni ya bia ya TBL imetoa cheki ya shilingi milioni mbili kwa ajili ya kudhamini Tamasha michezo la waandishi wa habari linalotarajia kufanyika Agosti moja mwaka huu katika kiwanja cha kumbukumbu ya Sheikh Amri Abeid.

Kwa mujibu wa taarifa iliyotolewa na mwenyekiti wa chama cha waandishi wa habari za michezo mkoani hapa ambaye pia ni mratibu wa mashindano haya Jamila Omary wakati akiongea na waandishi wa habari alisema kuwa tamasha hili linatarajia kufanyika Agosti moja mwaka huu na litashirikisha jumla ya timu kumi na mbili zilizopo mkoani hapa.

Alisema kuwa tamasha hili hufanyika kila mara na linashirisha timu za waandishi wa habari kutoka katika mikoa mbalimbali ikiwemo timu ya waandishi wa habarikutoka mkoani Dar es salaam,Arusha pamoja na mkoa wa Manyara.

Alitaja nia ya tamasha hili ni kuwakutanisha pamoja waandishiwa habari kutoka katika mikoa mbalimbali pamoja na kuwapa burudani ikiwemo yamichezo mbalimbali na kubadilishana ujuzi na mawazo kwa ujumla.

Jamila alitaja timu ambazo zimejitokeza kushiriki katika mashindano haya kuwa ni Taswa FC ya Arusha,Taswa ya Dar ,timu ya chuo cha waandishi wabahari cha Arusha (AJTC),chuo cha waandishi wa habari east afrika ,radio five,triple A radio,Ormame radio ,timu ya CRDB,timu ya NMB,timu ya NSSF,timu ya Pepsi pamoja na timu kutoka kampuni ya bia ya TBL.

Akikabithi cheki hiyo meneja matukio wa kanda ya kaskazini kutoka TBL George Mombeki alisema kuwa kampuniu yao imehamua kuthamini tamasha hili kwani waandishi wa habariwamekuwa wakiwapa ushirikiano mkubwa sana.

"tumeamua kuwaunga mkono waandishi wa habari kwakuwa wamekuwa wakitupa ushirikiano mkubwa sisi pamoja na wananchi kwa ujumla na tunahaidi kuthamini mashindano haya mpaka mwisho hatutaishia hapa"alisema Mombeki.

Ujerumani yaiadhibu Argentina 4-0

Mashabiki wa Ujerumani wakishangilia ushindi wa timu yao dhidi ya Argentina.

Ujerumani imeiadhibu Argentina kwa kuifunga mabao 4-0 kwenye mechi ya robo fainali ya Kombe la Dunia katika uwanja wa Green Point mjini Cape Town na kujipatia nafasi katika nusu fainali.

Juhudi za Ujerumani kutaka kufuzu miongoni mwa nne bora zilianza katika dakika ya tatu wakati Thomas Muller alipofunga kwa kichwa mpira wa adhabu uliopigwa na Bastian Schweinsteiger.

Kipindi cha kwanza kilimalizika Ujerumani wakiongoza 1-0 na katika dakika ya 68, Miroslav Klose akiichezea nchi yake mechi ya 100 aliongeza bao la pili kukamilisha pasi ya Lukas Podolski.

Podolski aliendelea kupenyeza pasi za kupendeza kutokea upande wa kushoto, na katika dakika ya 74 alitoa moja ambayo mlinzi Arne Friedrich alifunga bila matatizo, na kuipatia Ujerumani bao la 3.

Klose alipata fursa nyingine katika dakika ya 89 kumalizia pasi nyingine kutoka Podolski na kuandikisha bao lake la pili, na la nne kwa Ujerumani.

Uhasama

Katika mashindano ya Kombe la Dunia yaliyopita timu hizo mbili zilikutakana katika hatua ya robo fainali ambapo Ujerumani walishinda kupitia mikwaju ya penati.

Kwenye mechi ya Jumamosi, Ujerumani waliwavuta Argentina upande wao mara kwa mara kisha kuwavamia haraka, mkakati ambao uliwawezesha kupata ushindi mkubwa.

Walinzi wa Ujerumani walimdhibiti nyota wa Argentina Lionel Messi ambaye aliweka juhudi nyingi za kutaka kurudisha goli kwa mikwaju ya mbali.

Sasa Ujerumani inatarajia kuchuana kwenye nusu fainali na mshindi kati ya Uhispania na Paraguay.

Miroslav Klose anahitaji kufunga mabao mawili tu kwenye michuano iliyosalia ili kuwa mchezaji anayeongoza kwa ufungaji wa mabao mengi katika historia ya michuano ya Kombe la Dunia. Kwa sasa analingana na Gerd Muller pia wa Ujerumani ambaye amefunga magoli 14, anayeshikilia rekodi ni Ronaldo wa Brazil akiwa na magoli 15.

Serena atwaa taji la tennis Wimbledon

Serena Williams ameshinda taji lake la nne la Wimbledon.

Serena Williams ameshinda taji lake la nne la ubingwa wa Wimbledon katika mchezo wa tennis kwa kumshinda Vera Zvonareva wa Urusi kwa seti mbili kwa mfuto katika fainali ya wanawake. Hii inakua ni mara ya 13 kwa Serena kunyakua ubingwa wa mashindano makuu ya kimataifa ya Grand Slam.

Serena ambaye ndiye mchezaji nambari moja dunia alitetea taji lake dhidi ya mrusi huyo 6-3, 6-2 katika muda wa dakika 67 na kuongeza udhibiti wa familia ya Williams katika Wimbledon.

Serena amemaliza mashindano ya mwaka huu bila ya kupoteza hata seti moja na kuongezea mataji aliyokwishajinyakulia ya Wimbledon katika miaka ya 2002, 2003 na 2009.

Hii ni mara ya kwanza kumshinda mtu ambaye si dada yake Venus katika fainali ya Wimbledon.

Dada hawa wawili kwa jumla wameshinda mara tisa ubingwa wa Wimbledon katika miaka 11 iliyopita.

Priscus Nyoni mshindi wa gofu

Priscus Nyoni akijiandaa kuingiza mpira katika shimo wakati wa mashindano ya gofu ya Zain Lugalo Fiddle yaliyofanyika mwishoni mwa wiki katika uwanja wa TPDF Lugalo jijini Dar es Salaam .

Priscus Nyoni amefanikiwa kuwa mshindi katika mashindano ya mchezo wa gofu yaliyofanyika juzi katika viwanja vya mchezo huo vya Lugalo jijini Dar es Salaam baada ya kupata pointi 31.

Nyoni aliyekuwa akichuana vikali na Terence Mwakaliku alifanikiwa kumshinda kwa tofauti ya pointi 2 baada ya mpinzani wake kujipatia pointi 29.Ushindi huo ulimpatia Nyoni zawadi mbalimbali kutoka Zain ikiwemo seti ya vyombo vya ndani.

Nyoni alisema kuwa zawadi aliyoipata itakuwa changamoto kwake ili azidi kufanya vizuri katika mashindano ya mchezo huo yatakayofanyika wiki ijayo.

“Zawadi hii kwangu ni changamoto kubwa kwasababu kama nimeweza kuipata leo sitaki kuikosa tena,” alisema Nyoni

Nyoni ambaye ni mchezaji kijana wa gofu alisema kuwa hakuamini kama atashinda kwani mchezo ulikuwa mgumu na upinzani mkali na kusema kuwa siri ya mafanikio ni kufanya mazoezi kwa bidii.

Mbali na Nyoni washindi wengine ni Terence Mwakaliku , Simon Sayore na Stephania Sayore. Washindi hawa pia walijipatia zawadi mbalimbali ikiwemo miavuli,vyombo vya nyumbani pamoja na muda wa maongozi vyote kutoka Zain.

Michuano hiyo ambayo imekuwa ikifanyika kila mwisho wa wiki chini ya udhamini wa Kampuni ya simu za mkononi ya Zain itaendelea wiki ijayo katika viwanja hivyo kwa kuwashirikisha wachezaji wa rika mbalimbali kutoka ndani na nje ya mkoa wa Dar es Salaam.

MWANAIDI HASSAN NDIYE MWANAMICHEZO BORA 2009

MWANAIDI HASSAN NDIYE MWANAMICHEZO BORA 2009

Mwanaidi Hassan,akilia kilio cha furaha na kutoamini alipotangazwa kuwa Mwanamichezo Bora nchini Tanzania kwa mwaka uliopita wa 2009.Mwanaidi anacheza mchezo wa Netball.Anachezea timu ya JKT Mbweni na Timu ya Taifa ya Netball.Utoaji wa tuzo hizo ulifanyikia New Africa Hotel jijini Dar-es-salaam.

Mwanaidi Hassan(katikati) akikabidhiwa Tuzo ya Uanamichezo Bora na kitita cha shilingi Milioni Moja(1m Tshs).Anayemkabidhi ni Mwenyekiti wa Baraza la Michezo Tanzania(BMT),Kanali Iddi Kipingu.Wanaoshuhudia pembeni,kutoka kulia kwenda kushoto ni David Nyombo,aliyechukua Ushindi wa Tatu kupitia mchezo wa kunyanyua vyuma vizito(body building),Juma Kaseja,aliyechukua ushindi wa pili kupitia mchezo wa Soka.Kaseja ni golikipa wa Simba Sports Club ya jijini Dar-es-salaam.Mwingine pichani ni Mwenyekiti wa Chama Cha Waandishi wa Habari za Michezo(TASWA),Boniface Wambura.TASWA ndio waandaji wa tuzo hizo.

Juma Kaseja(kulia) akipokea Tuzo ya ushindi wa pili.Kaseja, golikipa nambari moja wa Simba.Anayemkabidhi ni Jaji Mark Bomani,Mwenyekiti wa Bodi wa Kampuni ya Serengeti ambao ndio wadhamini wakuu wa tuzo hizo.

David Nyombo,mnyanyua vyuma vizito,akikabidhiwa tuzo yake ya ushindi wa tatu.

Washindi wakiwa katika picha ya pamoja na wadhamini na wadau wa TASWA.

Picha zote na Richard Mwaikenda.

NANI ATAIBUKA MWANAMICHEZO BORA?

Posted: 18 Jun 2010 09:59 AM PDT

CHAMA cha Waandishi wa Habari za Michezo Tanzania (TASWA), leo kinatarajiwa kumtangaza mwanamichezo bora wa mwaka jana(2009) baada ya zoezi la kuwapigia kura wanamichezo waliofanya vema katika mwaka huo kukamilika jana.

Wanamichezo waliofanikiwa kuingia katika hatua ya fainali ni kipa mahiri wa Simba, Juma Kaseja, mfungaji mahiri wa timu ya netiboli ya Jeshi Stars, Mwanaidi Hassan na mtunisha misuli, David Nyombo. Kwa undani zaidi wa habarii hii bonyeza hapa.

David Nyombo

Juma Kaseja

ZAIN YAUZWA, YANUNULIWA NA AIRTEL

Airtel Yaunganika na Afrika – Yakamilisha makubaliano ya kibiashara ya kuvuka mipaka makubwa kuliko yote katika masoko yanayoendelea

Imeingia Ligi ya simu tano za mkononi zinazoongoza duniani

Nembo ya Airtel sasa yaenda kimataifa ikiwafikia watu bilioni 1.8

Yasisitiza nia yake kwa Afrika na Yaahidi huduma za bei nafuu, kusambaza mtandao na kutoa huduma kabambe

Yazishukuru serikali za nchi 15 Afrika kwa kuiunga mkono

New Delhi, Juni 8, 2010: Bharti Airtel Limited (“Bharti”) leo imechukua hatua kubwa ya kuelekea kuwa kampuni ya simu za mkononi ya kimataifa baada ya kukamilisha ununuzi wa shughuli za biashara ya Zain Group (Zain) katika nchi 15 Afrika kwa gharama ya dola za Marekani bilioni 10.7. Kwa ununuzi huu, chapa ya Airtel sasa itakuwa ya kimataifa ikiwa inawafikia zaidi ya watu 1.8 bilion barani Asia na Afrika na wateja wakiwa zaidi ya milioni 180.

Makubaliano haya ya kibiashara ya kuvuka mipaka ni makubwa kuliko yote katika masoko yanayoendelea na yatapelekea kupatikana kwa mapato ya zaidi ya dola za Marekani bilioni 12.4 na mapato kabla ya riba, kodi, uchakavu (EBITDA) ya zaidi ya dola za Marekani bilioni 4.7, kwa kuzingatia mahesabu ya mwisho. Bharti sasa ni miongoni mwa makampuni matano makubwa ya simu za mkononi duniani.

Bw. Sunil Bharti Mittal, Mwenyekiti na Mkurugenzi Mtendaji wa Bharti amesema, “Tumefurahi kukamilisha makubaliano haya kwa ajili ya India na Bharti. Tunapenda kuzishukuru kwa dhati serikali za nchi zote 15 pamoja na serikali ya India kwa kutuunga mkono katika hatua hii muhimu. Na hii itakuza zaidi uhusiano wa kihistoria baina ya India na Afrika katika masuala ya kiuchumi na kijamii na kupelekea kuboresha ushirikiano kati ya Kusini na Kusini.

Bharti, ambayo imekuwa ikijizatiti kufikia dira yake ya kusambaa Afrika, imedhamiria kuchangia kukua kwa mawasiliano ya simu katika bara kwa kusambaza huduma ndani ya nchi hizo na kutoa huduma zenye bei nafuu ambazo zinawagusa watu wa kawaida. Pia tunawaadhidi wateja wetu wa Afrika mambo kabambe na bidhaa na huduma kadhaa zenye ubunifu wa hali ya juu.

Tunapenda kuwakaribisha zaidi ya wafanyakazi 6500 wenye vipaji na taaluma ya hali ya juu kwenye familia ya Bharti na tunasubiri kwa hamu kufanya kazi nao kupeleka kampuni zao kwenye hatua nyingine ya mafanikio. Tunapenda kuishukuru timu ya Zain kwa utaalamu wao, ambao umetuwezesha kukamilisha makubaliano haya katika muda unaoweka rekodi.’’

Bw. Asaad Al-Banwan, Mwenyekiti, Zain, said “Tunawatakia mafanikio makubwa Bharti Airtel katika kuendeleza kukua kwa mawasiliano ya simu katika bara la Afrika na tunauhakika watu wa Afrika wataipokea kampuni yenye nia dhabiti na inayotambulika duniani.’’

Ununuzi wa Bharti wa shughuli za Zain unahusisha nchi 15 zenye wateja 42 milioni. Idadi ya watu wanaoishi ni zaidi ya milioni 450 na mwingiliano wa simu ni takriban asilimia 32. Nchi ambazo Bharti imenunua shughuli zake ni; - Burkina Faso, Chad, Congo Brazzaville, Jamhuri ya Kidemokrasia ya Congo, Gabon, Ghana, Kenya, Madagascar, Malawi, Niger, Nigeria, Sierra Leone, Tanzania, Uganda, na Zambia. Zain inaongoza katika nchi 10 kati ya hizo nchi 15, na ni ya pili katika nchi zilizosalia nne.

Bharti ilishauriwa kuhusu makubaliano haya ya kibiashara na Standard Chartered Bank ambao walikuwa washauri wakuu, Barclays Capital kama mshauri mkuu mbia na SBI Group kama mshauri mkuu wa biashara (Onshore Advisor). Global Investment House , Kuwait walikuwa washauri wa kanda ( Regional Advisor).

Standard Chartered Bank, Barclays, SBI Group, ANZ , BNP , Bank of America Merrill Lynch, Credit Agricole CIB , DBS, HSBC, Bank of Tokyo Mitsubishi UFJ na Sumitomo Mitsui Banking Corporation ni wafadhili wa Bharti katika makubaliano haya.

Herbert Smith LLP walikuwa Washauri wa Kimataifa wa masuala ya Sheria, Milbank Tweed Hadley & McCloy LLP walikuwa washauri wa masuala ya Fedha na Sheria na AZB & Partners walikuwa washauri wa Sheria wa India, wakati Ernst & Young walikuwa washauri wa Mahesabu.

Kuhusu Bharti Airtel Limited

Bharti Airtel Limited, ni kundi la makampuni ya Bharti, na inaongoza katika masoko yanayoendelea ya simu za mkononi katika nchi 18 Asia na Afrika. Kampuni ina zaidi ya wateja milioni 180.

Bharti Airtel imewekwa katika nafasi ya makampuni sita ya teknolojia yanayoongoza duniani na Business Week. Bharti Airtel inamuundo wa vitengo vinne vya biashara, simu za mkononi, (mobile), Telemedia, Kitengo cha Biashara ( Enterprise ) na TV za Digital,

Biashara ya simu za mkononi inatoa huduma katika nchi 18 Asia na Afrika. Biashara ya Telemedia inatoa huduma za data (broadband), IPTV na huduma za simu katika miji 89 India . Kitengo cha Biashara (Enterprise business) hutoa suluhisho kwa wateja wa makampuni, na huduma kwa makampuni yanayojihusisha na usafirishaji wa ndani na wa kimataifa. Huduma ya TV ya digital inatoa huduma nchini India . Huduma zote hizi zinapatikana chini ya chapa ya Airtel, (bila kuhusiha Bangaladesh na Africa ).

Miundombinu ya kimataifa ya mtandao wa Airtel inajumuisha umiliki wa mfumo wa mkongo wa baharini wa i2i na ushirika pamoja na umiliki katika mfumo wa mikongo mitano ya kimataifa ya baharini, SEA -ME-WE 4, EIG, I-ME-WE, AAG na UNITY. Kwa maelezo zaidi. Tembelea; www.airtel.in.

Zain yakabidhi zawadi kwa washindi wa promosheni ya SMS- JIVUNIE

Zain, Kampuni ya simu za mkononi inayoheshimika kwa kutoa huduma ya mawasiliano na kusambaa maeneo mengi zaidi hapa nchini imekabidhi jumla shilingi milioni mbili kwa washindi Promosheni ya SMS JIVUNIE.

Washindi waliokabidhiwa zawadi zao za pesa taslimu ambazo ni sh. 500,000/- kwa kila mmoja ni wale ambao ni wakazi wa jijini la Dar es Salaam wakati washindi wa kutoka nje ya Dar es Salaam taratibu za kuwakabidhi zawadi zao zinafanyika kuhakikisha kuwa nao pia wanakabidhiwa zawadi zao.

Washindi waliokabidhiwa zawadi ni Mashimba Mashimba, Chemu Hassani, Philip Masonda, Osole David Gilina, Godwin Joseph na Enock Dodan. Washindi hawa ni kati ya washindi 19 waliojishindia fedha taslimu ambazo jumla yake ni sh. Milioni 9.5 kutoka Zain.

Tangu kuanza kwa promosheni , Jumla ya washindi 26 kutoka mikoa mbalimbali wamejishindia zawadi mbalimbali zikiwemo Bajaj, baiskeli, na tiketi ya kushuhudia kombe la Dunia.

Meneja Masoko wa Zain Tanzania Costantine Magavilla alisema kuwa promosheni hiyo inaendelea kuchezeshwa ambapo washindi wataendelea kujishindia Zawadi mbalimbali kutoka Kampuni ya Simu za mkononi ya Zain Tanzania.

“Na leo hii kwa mara ya kwanza pia mtaweza kushuhudia tukimpa mshindi mwingine ambaye anajishindia tiketi ya kwenda kushuhudia kombe la Dunia, akiwa amelipiwa gharama zote yeye na mtu mwingine atakayemchagua kwenda naye, Kabla na baada kuisha kwa mwezi huu wa sita, tukiwa tumepata watanzania 12 watakaokwenda kushuhudia kombe la dunia nchini Afrika ya Kusini,”alisema Magavilla

Katika Promosheni ya JIVUNIE SMS kampuni ya Zain itatoa bajaj 10, baiskeli Toyota Corola 5, tiketi 12 za kushuhudia fainali za kombe la Dunia pamoja na fedha Taslimu 500,000/- kwa mshindi mmoja kwa kila siku. Zawadi kubwa katika promosheni hii itakuwa ni gari aina ya RAV 4 SUV.

Ili kushiriki katika promosheni hii ambayo inaendeshwa katika stahili ambayo mshiriki anajikusanyia pointi kutokana na maswali aliyoyajibu, mteja wa Zain anatakiwa kujisajili kwa kutuma neno JIVUNIE kwenda namba 15656.

Baada ya hapo mteja atapata ujumbe wa kumtaarifu kuwa sasa amesajiliwa na swali la kwanza litafuatia na maswali mengine pia yataendelea kuulizwa ambapo mshindi atapata pointi kutokana na kujibu majibu kwa usahihi.

Pointi za upendeleo zinatolewa endapo mshiriki atakuwa amefikia kiwango cha pointi ambazo zinatakiwa, na hii inaweza kumpa nafasi ya ushindi zaidi mshiriki na kujinyakulia zawadi za kila siku na zile za mwisho wa wiki.

RAIS WA RBP KUIPELEKA TWIGA STARS KAMBINI MAREKANI!!

Rais wa RBP OIL & Industrial Technology Tanzania Limited Rahma Al Kharoos akiongea na waandishi wa habari leo kwenye Hoteli ya Movenpick jijini Dar es salaam kulia ni Meneja Huduma wa kampuni hiyo Ibrahim Khatrush


Rais wa kapuni ya mafuta ya RBP Oil & Industrial Technology Tanzania Limited Rahma Al Kharoos ametangaza ziara ya timu ya taifa ya wanawake Twiga Stars kwnda nchini Marekani kwa mafunzo mbalimbali wiki ya kwanza ya mwezi Agosti.

Akizungumza kwenye mkutano na wandishi wa habari katika hoteli ya Movenpick jijini Dar es salaam Rais huyo amesema anaamini kuwa ziara hiyo itakuwa ni chachu ya mafanikio ya timu hiyo wakati itakapokwenda kucheza katika fainali za kombe la mataifa ya afrika kwa wanawake mwezi septemba nchini Afrika Kusini.

Amesema akiwa kama mlezi na mdhamini wa Twiga Stars na kwa kushirikiana na wenyeji wa ziara hiyo huko Marekani ambao ni taasisi ya FREEDOM WASHINGTON wamejipanga kuhakikisha ziara hiyo inakuwa ni ya mafanikio hasa ukizingatia kwamba timu ya Twiga Stars imeweka historia kwa nchi yetu kushiriki kwa mara ya kwanza katika mashindano hayo makubwa ya mpira wa miguu kwa wanawake.

Ameongeza kuwa Twiga Stars ikiwa Merekani itacheza michezo minne wa kwanza utakuwa ni wa kuchangia timu hiyo (Charity) ambapo watu mbalimbali watachangia timu yetu ili iweze kujiandaa vyema na mashindano hayo.

Jana Twiga Stars ilifanikiwa kukata tiketi ya kucheza fainali za kombe la mataifa ya Afrika kwa wanawake nchini Afrika kusini ambazo zitafanyika mwezi septemba mwaka huu baada ya kutoka sale ya magoli 3-3 na timu ya Eritrea.

Naomba wadau, wapenzi wa soka la wanawake kuiunga mkono timu hii ambayo imeleleta sifa na heshima taifa la TANZANIA kwa kupata nafasi hiyo ya kushiriki michuano mikubwa zaidi baraNI Afrika kwa wanawake. Naamini kuwa sasa milango ya wachezaji wanawake kucheza soka la kulipwa nje itatimia.

Mikel kutocheza Kombe la Dunia, majeruhi

Kukosekana kwa Obi Mikel ni pigo kwa safu ya kiungo ya Nigeria.

Kiungo wa timu ya taifa ya Nigeria, John Mikel Obi, ametangaza kujitoa katika michuano ya Kombe la Dunia 2010 huko Afrika Kusini kutokana na majeraha ya goti.

Mikel anaungana na nyota wengine wa Chelsea, Michael Essien na Michael Ballack ambao watakosa michuano hiyo mikubwa kutokana na majeraha, pia kuna wasi wasi kuwa Didier Drogba naye huenda asicheze.

Mchezaji huyo mwenye umri wa miaka 23, alifanyiwa upasuaji wa goti mwezi Mei, lakini amesema bado hajisikii kuwa amepona kikamilifu kiasi cha kucheza katika Kombe la Dunia.

"Tumemwondoa Mikel kutoka kikosi chetu baada ya kueleza kuwa asingependa kuhatarisha uchezaji wake," msemaji wa timu ya Nigeria alieleza.

Nafasi yake Obi Mikel itajazwa na Brown Ideye, mshambuliaji kutoka klabu ya Sochaux ya Ufaransa, ambaye hajawahi kuchezea timu ya taifa ya Nigeria.

Osward Mweyunge mshindi wa Gofu Lugalo

Prev 38 of 120 Next

Osward Mweyunge ameibuka mshindi katika mashindano ya mchezo wa gofu yaliyofanyika mwishoni mwa wiki katika viwanja vya mchezo huo vya Lugalo jijini Dar es Salaam baada ya kujipatia pointi 39.

Mashindano hayo ambayo yalishirikisha wachezaji wa rika mbalimbali yanadhaminiwa na kampuni ya simu za mkononi ya Zain Tanzania.

Kufuatia ushindi huo Osward ambaye ni kati ya vijana wanaochipukia katika mchezo wa gofu, alizawadiwa Seti ya vyombo vya ndani kutoka kampuni ya Zain pamoja na zawadi nyingine.

Mbali na Mweyunge washindi wengine ni Juma Likuli aliyepata point 37, Terence Mwakaluka aliyejipati point 31, Joseph Taird aliyejipatia point 38, Mohamed Rweyemamu aliyejipatia pointi 34 na Simon Sayore aliyejipatia point 31.

Washindi hawa pia walizawadiwa zawadi mbalimbali kutoka Kampuni ya Zain ikiwemo muda wa maongezi wa mtandao wa Zain.

Mweyunge alitoa wito kwa wadhamini wengine kujitokeza ili kuhakikisha kuwa mchezo wa gofu unachezwa katika kiwango kinachokubalika kitaifa na hata kimataifa.

“Sasa tuna Zain ambao kwa kiasi kikubwa wanahamasisha watanzania kucheza gofu lakini kwa kutoa zawadi ambazo pia zinawatia moyo wachezaji, bado tunaomba wafadhili wengine kujitokeza kudhamini mchezo huu,” alisema.

Kampuni ya Simu za mkononi ya Zain Tanzania ina mkakati wa muda mrefu wa kuendeleza mchezo wa gofu hapa nchini kwa kushirikiana na klabu ya gofu ya Lugalo ya jijini Dar es Salaam kuanzia kwa vijana wadogo ambao wana vipaji vya mchezo huo..

Ends.

TIMU ZA TAIFA ZA AFRIKA KATIKA KOMBE LA DUNIA

Kocha wa timu ya taifa ya Misri Hassan Shehata bila shaka amejipatia umaarufu mkubwa kabla na hata wakati huu tukielekea katika kombe la dunia. Hakika sio tu kwa sababu hivi sasa anaogelea katika dimbwi la pongezi nyingi, bali ni kwa sababu makocha maarufu duniani wangependa sana kuchota sehemu ya maarifa na umahiri wake.

Hassan Shehata akipongezwa

Shehata mwenye umri wa miaka 60, alifanikiwa ‘kuzitandika’ si chini ya timu nne zinazotarajiwa kuiwakilisha Afrika katika kombe la dunia wakati wa michuano ya kombe la mataifa ya Afrika iliyofanyika mwezi wa kwanza nchini Angola na kutwaa ubingwa. Timu hizo ni Nigeria, Cameroon, Algeria na Ghana. Nigeria wao baada ya kumtimua kocha Shaibu Amodu, wakaamua kufuata hekima ya kutafuta maarifa toka kwa wapinzani wao ( if you can’t beat them, join them”) na kuonesha nia ya kumpa Shehata kazi hiyo yenye changamoto nzito. Hata hivyo inaonekana kuwa jitihada hizo zimekutana na ukuta mgumu wa Chama cha soka cha Misri.

Hakika si mengi tunayoweza kujifunza katika soka dhaifu la Nigeria wakati wa fainali za kombe la mataifa ya Afrika na hatimaye kufukuzwa kwa Amoadu ukilinganisha na timu zingine zitakazoiwakilisha Afrika katika Kombe a Dunia. Ilichapwa na Misri, ikabahatika kwa Benin, ikapata ahueni kwa Msumbiji lakini ikawa dhaifu mbele ya Zambia na kulewa mbele ya Ghana. Hakika hatuwezi sema kuwa Soka la Nigeria wakati wa fainali hizo lilikuwa lenye uwezo wowote wa maana.

Kikosi cha Nigeria kilichoshiriki michuano ya Kombe la Mataifa ya Afrika 2010

Picha-caption-Nigeria ilishika nafasi ya tatu lakini ikaamua kumtimua kocha

Nigeria wanaonekana kawaida kuanza vyema lakini hakika wanahitaji sana kuongeza msuli ili mambo yao yaweze kufanikiwa.

Kushindwa kufunga magoli lilikuwa tatizo wakati mwingine. Yakubu na Obafemi Martins walikosa magoli mengi. Lakini tatizo hasa ni kukosekana kwa kwa kiungo mchezeshaji Viungo wengi walioichezea Nigeria katika fainali hizo ni viungo wakabaji; John Obi Mikel, Dickson Etuhu, Sani Kaita na Yussuf Ayila, hali iliyosababisha mshambuliaji Osaze Odemwingie awe na kazi kubwa.

Nigeria wana tatizo jingine la kutocheza kama timu moja iliyoshikamana. Ni kikosi kilichojaa ubinafsi wa mchezaji mmoja mmoja. Hii itakuwa ni changamoto kubwa kwa kocha mpya hasa ukitilia maanani muda mfupi uliobaki kabla ya Fainali za Kombe la Dunia na timu pinzani katika kundi B ambazo ni Argentina, Korea ya Kusini na Ugiriki.

Wachambuzi wa soka kwa muda mrefu wamekuwa wakilisema jambo hilo kuhusu Nigeria lakini si kwa Ivory Coast.

Kama ilivyo kwa ndugu zao hao wa Afrika Magharibi, kikosi cha Ivory Coast nacho kilikosa kiungo mchezeshaji. Japo Yahya Toure na Didier Zokora ni viungo hodari lakini hawakuonesha kuelewana ipasavyo au uwezo wa kubadilisha mchezo. Jukumu hili linaonekana kuwaaangukia Abdulkader Keita na Bakary Kone, lakini kule Angola hawakuonesha la maana sana. Ukimtaja Gervinho, bado hakuweza kuonesha makeke licha ya matarajio makubwa aliyotwishwa.

Nahodha wa Ivory Coast, Didier Drogba

Hiyo ni kwa upande wa ubunifu katika kiungo.Lakini udhaifu wake hatuwezi kuulinganisha na udhaifu mkubwa uliojionesha katika nafasi ya ulinzi hasa wakati wa kipigo cha nusu fainali toka kwa Algeria. Mabeki na viungo walipoteza kabisa maelewano, hali iliyojionesha wazi pale beki wa Algeria Madjid Boughera alipotumia vyema udhaifu huo kufunga goli la muhimu la kusawazisha katika dakika ya 92.

“Timu kubwa haziachii ushindi wa 2-1 upotee kirahisi kunapokuwa kumebaki dakika chache mechi kumalizika”, akasema kocha wa Ivory Coast kutoka Bosnia Vahid Halilhodzic. “Tulikuja na matumaini makubwa, lakini kwa mara nyingine Ivory oast imeshindwa kutoa matokeo mazuri. Si tatizo la kimwili ila ni la kisaikolojia”

Lilikuwa ni tatizo la kisaikolojia au ni matokeo ya pumziko refu la siku tisa lililosababishwa na kujiondoa kwa Togo? Wachambuzi wanaweza kusema ni tatizo la kisaikolojia, wakizingatia matokeo mabaya ya miaka ya nyuma. Mwaka 2006 Ivory Coast ilifungwa na Misri katika fainali, ikapoteza nusu fainali mwaka 2008 mbele ya hao hao Misri na mwaka huu ikabanwa mbavu na Algeria.

Inavyoonekana ni kuwa Ivory Coast hupata wakati mgumu ikikumbana timu zilizojipanga vyema. Sifa ambayo timu za Afrika Kaskazini wanayo. Lakini bora wajue kuwa wapinzani wao ndani ya kundi G, Korea ya Kaskazini, Ureno na Brazil, zote zina sifa hiyo hiyo ya kujiandaa na kujipanga vyema. La kutia hofu zaidi ni kwamba mashabiki wa Ivory Coast wanaonekana kupoteza imani yao kwa mshambuliaji Didier Drogba ambaye kiwango chake kule Angola kiliwakasirisha wengi.

Sina hakika kama watu wa Cameroun wana hisia na mawazo hayo hayo juu ya Samuel Eto’o. Lakini naye hakuwa katika kiwango chake kule Angola. Kocha Paul Le Guen alimchezesha nyuma ya washambuliaji wawili mbele katika kipigo cha robo fainali kutoka kwa Misri. Lakini kwa silika ya kiwindaji aliyo nayo Eto’o, inakuwaje achezeshwe katika nafasi hiyo?.

Samuel Eto'o wa Cameroon

Kulikuwa na mengi ya kushangaza hasa ukitilia maanani matarajio mengi yaliyowekwa kwa viungo Stephane Mbia na Jean Makoun.

Lakini Mbia alipewa dakika 45 tu na Makoun akaachwa katika mechi dhidi ya Misri. Nafasi hizo wakachukua Enoh Eyong na George Mandjeck mwenye umri wa miaka 21, ambaye aling’ara katika pambano dhidi ya Misri.

“Niliamua kutia damu changa ili kuleta nguvu mpya” akasema kocha Le Guen. “Mechi yetu na Misri ilionesha nilikuwa sahihi”.

Hatimaye kulifanyika mabadiliko katika ulinzi. Rigobert Song hakuanzishwa na vijana wapya Nicolas N’Koulou na Aurelian Chedjou wakakamata nafasi.

Lakini Cameroun wana tatizo la kufungwa mapema. Misri wakaonesha udhaifu wa golikipa Carlos Kameni, licha ya kwamba kwa kawaida huwa huwa ni kizuizi imara golini lakini si kwa Ahmed Hassan.

Rahim Ayew na Hans Sarpei walicheza vyema Angola licha ya vikwazo kadhaa.

Cha kutia moyo ni kuwa wachezaji wote 19 (outfield players) walionja ladha ya kucheza soka Angola ambako mwinuko kutoka usawa wa bahari katika mji wa Lubango ni mita 1750. Hali hiyo itawaweka katika hali ya kukabili mechi za kundi E. Katika mwinuko wa jiji la Bloemfotein dhidi ya Japan ambao ni mita 1400 na dhidi ya Denmark jijini Petoria mita 1275. Mechi ya mwisho dhidi ya Uholanzi itakuwa ni katika usawa wa bahari.

Lakini kama kuna timu iliyofaidika na michuano ya Angola ni Ghana.Wachezaji wake sita wa kikosi cha kwanza walikosekana, wakiwemo wote wa nafasi ya kiungo na walinzi mahiri wawili. Vijana wachanga wa Ghana waliopata nafasi ya kucheza waliikabili michuano kwa ujasiri kiasi kwamba uzoefu huo unaweza kuwasaidia wakati wa kombe la dunia watakapokuwa wakikabiliana na wapinzani wao wa kundi D, Ujerumani , Australia na Serbia.

Hali ya kisaikolojia ya Ghana ilitiliwa mashaka hapo awali lakini vijana kama Kojo Asamoah, Samuel Inkoom, Agyemang Badu na Opoku Agyemang walionesha ujasiri mkubwa wa kuzikabili mechi ngumu na inaashiria hali nzuri ya siku za baadae kwa soka ya Ghana.

Nahodha wa Ghana, Michael Essien

Timu ya Ghana imejengwa kutokana na kikosi cha vijana wa chini ya miaka 20 walionyakua kombe la dunia. Vijana sita kati ya walionza katika fainali dhidi ya Misri walikuwa na miaka 22 au chini. Lakini kwa kombe la Dunia inaweza isiwe rahisi kukamata nafasi ya kucheza. Hiyo ni kwa kuwa pia zile tofauti kati ya kocha Milovan Rajevac na Sulley Muntari zimemalizwa.

“Wanahitajika wachezaji wenye uzoefu kwa ajili ya kombe la Dunia.Tunao kama John Mensah, John Pantsil, Laryea Kingston, Michael Essien na Sulley Muntari. Wapo wengine pia” anasema kocha Milovan.

Baada ya michuano ya Angola, Milovan alilaumu ukosefu wa uzoefu kwa wachezaji wake lakini akasema kuwa anafurahia uzoefu waliopata vijana wale na kuamini kuwa utasaidia wakati wa kombe la dunia. Bila kuogopa kufanya maamuzi makubwa, kocha Milovan alionesha ubora wake pale timu ilipoweza kuingia fainali licha ya kuwa na majeruhi na changamoto nyingi.

Mafanikio yake makubwa ni kuweza kuwajenga wachezaji kucheza ki timu zaidi kuliko ilivyokuwa kwa timu zingine zitakazoiwakilisha Afrika katika Kombe a Dunia. Nani anajua mchango ambao ungetolewa na vijana wazoefu kama akina Essien, Muntari, Pantsil na wengine kama wangekuwa katika hali nzuri ya kuweza kucheza?

Kwa wengine wenye majina makubwa kama vile Drogba, Eto’o na Mikel ilikuwa ni hali ya kusikitisha. Je ni kwa sababu shauku ya kucheza katika kombe la mataifa ya Afrika kumezwa na aina ya maisha wanayoishi huko Ulaya? Au majina yao makubwa na hali ya soka Ulaya inaweza kuwa ndiyo sababu?

Kama siyo, je sababu ni nini? Lolote jibu liwalo naamini soka la Afrika katika fainali hizi za kombe la dunia litakuwa tofauti sana.

KOMBE LA DUNIA: IWEJE CONGO HAWAPO

Wakati bara la Afrika likiandaa michuano ya kombe la dunia kwa mara ya kwanza, kuna jambo moja ambalo halijabadilika: wapenzi wa soka katika nchi za mashariki mwa Afrika na eneo la maziwa makuu wataendelea kuwaza na kuwazua waiunge mkono timu ipi, kwani hakuna nchi iliyofuzu kutoka eneo hilo.

Mara ya mwisho eneo hilo lilipowakilishwa katika kombe la dunia ilikuwa ni mwaka 1974 na nchi ya Zaire, ambayo leo ni Jamhuri ya Kidemokrasia ya Congo.

Zaire ilikuwa nchi ya pili kutoka bara la Afrika kushiriki michuano ya kombe la dunia baada ya Morocco, iliyoshiriki mwaka 1970, lakini Leopards, kama ilivyojulikana timu hiyo ya Zaire, ilikuwa timu ya kwanza kutoka kusini mwa jangwa la Sahara kufuzu kwa kombe la dunia.

Ingawa haijawezekana tena kwa nchi hiyo kufuzu kushiriki kombe la dunia, wachezaji waliokuwa katika timu hiyo ya mwaka wa 74 bado hujivunia hilo mpaka leo.

‘’Kombe la dunia ni kilele cha soka, ndicho kitu ninachojivunia maishani mwangu kwa kushiriki mwaka 74, tulikuwa nchi ya kwanza ya watu weusi kushiriki kombe la dunia, na ni fahari ya kukumbuka siku zote.’’ Mohamed Kalambay, aliyekuwa kipa wa akiba wa Leopards aliambia BBC.

Mohammed Kalambayi anajivunia kuwa mmoja wa wachezaji walioiwakilisha Zaire katika Kombe la Dunia 1974.

Leopards walifungwa mabao 14 katika mechi tatu bila wao kufunga hata moja. Katika mechi yao ya kwanza walifungwa 2-0 na Scotland, kisha wakabugizwa 9-0 na Yugoslavia, na katika mechi yao ya mwisho wakafungwa 3-0 na Brazil.

Mwepu Ilunga alikuwa mlinzi katika timu hiyo, na ijapokuwa anaona fahari kwamba walifuzu kwenda kushiriki kombe la dunia, angali na machungu kuhusu waliokuwa maafisa wa shirikisho la soka Zaire, ambao anawalaumu kwa kuchukua pesa zilizotolewa na shirikisho la FIFA kwa wachezaji, kama mafao ya kushiriki.

‘’ Tulirejea nyumbani bila senti hata moja kama wachezaji. Kabla ya mchuano wetu dhidi ya Yugoslavia tulifahamu kwamba hatutalipwa, licha ya kufahamu kwamba FIFA walikuwa wameshawakabidhi fedha maafisa wetu. Kwanza tulikataa kucheza, na ilipolazimika kucheza, tulitembea tu uwanjani, na ndio sababu tukafungwa mabao 9.’’

Mwepu Ilunga anakumbukwa kutoka na kituko cha kuondosha mpira kuepusha free-kick.

Mwepu aanakumbukwa kote duniani kwa kituko alichofanya katika mechi yao iliyofuatia, dhidi ya Brazil. Brazil ilipata free kick hatua chache kutoka lango la Zaire, wachezaji wa Zaire wakaweka ukuta wa ulinzi. Lakini refarii alipopiga kipenga ili Brazil kupiga free kick hiyo, Mwepu aliondoka kutoka ule ukuta wa ulinzi, akaupiga ule mpira na kuuondosha nje.

‘’ Sijuti hata kidogo, nilifanya kwa kusudi. Nilitaka nipewe kadi nyekundu ili niondoke uwanjani. Kwa nini nicheze kwa faida ya maafisa wa chama cha soka cha nchi yetu waliochukua fedha za wachezaji zilizotolewa na FIFA?. Ila sikufaulu , refa hakunipa kadi nyekundu.’’

Bila kufahamika yaliyotokea, lawama nyingi zilielekezwa kwa kocha wa Leopards Blagoj Vidinic kutoka Yugoslavia. Lakini aliyekuwa naibu kocha msaidizi wa timu ya Leopards Kabamba Nicodem aliambia BBC kitendo cha maafisa wa chama cha soka kuwalaghai wachezaji ndicho kilisababisha matokeo mabaya.

Ujuzi na busara za watu kama Kabamba Nicodemu (shati jekundu) unaweza kusaidia kuirejesha Kongo katika mafanikio ya miaka ya 1970.

Kabamba anasema kwa sasa nchi hiyo ina wachezaji wazuri lakini kinachowafanya kushindwa kwenda kushiriki kombe la dunia ni ukosefu wa maandalizi bora.

‘’Ukosefu wa mipango mahsusi ndio umesababisha nchi ya Congo kushindwa kushiriki katika mashindano makubwa kama vile kombe la mataifa ya Afrika na kombe la dunia; bila maandalizi bora huwezi kufanikiwa katika jambo lolote’’. Anasema Kabamba.

Kuna hamasa kubwa ya mpira wa vilabu katika Jamhuri ya Kidemokrasia ya Congo miongoni mwa mashabiki, klabu ya TP Mazembe kutoka mji wa Lubumbashi kusini mwa nchi ndio mabingwa wa sasa wa Afrika, na vilabu vingine kama AS Vita Club na DC Motema Pembe vinavutia wachezaji kutoka nchi zingine.

Timu ya taifa ya nchi hiyo ndiyo mabingwa wa taji la Afrika kwa wachezaji wanaoshiriki ligi za nyumbani.

Haya yote yanaashiria uzito unaopewa soka katika Jamhuri ya Kidemorasia ya Congo, lakini swali linasalia kwa nini hawajaweza kurudi tena katika kombe la dunia tangu mwaka wa 1974?

Rais wa shirikisho la soka nchini Congo Constant Omar Selemani anasema ukosefu wa amani katika nchi, hali mbaya ya kiuchumi na kupuuzwa kwa soka ya vijana kwa kipindi kirefu kulikwamisha maendeleo ya soka katika nchi hiyo.

Constantine Omar Selemani rais wa shirikisho la soka la Congo ana jukumu kubwa la kuirejesha nchi hiyo katika michuano ya Kombe la Dunia.

‘’Maendeleo ya soka yanakwenda kulingana na hali ya nchi, kijamii na kiuchumi. Wakati Zaire ilipofuzu kwa kombe la dunia mwaka wa 74 uchumi wa nchi ulikuwa mzuri, lakini tangu wakati huo kumekuwa na matatizo mengi katika nchi.’’

‘’Pia viongozi wa wakati ule walikosa maono ya kukuza wachezaji wapya. Wale wachezaji walioshiriki kombe la dunia walitaka kwenda kucheza soka ya kulipwa katika nchi za nje, lakini Rais Mobutu akawakataza, akawalazimisha kukaa nyumbani. Wengine waliacha kucheza, na kukawa hakuna mpango wa kukuza vijana wengine’’. Anaelezea Bw Selemani.

Rais huyo wa shirikisho la soka nchini Congo, ameahidi kwamba nchi yao itakuwepo kwenye mashindano ya kombe la dunia mwaka 2014 nchini Brazil.

YANGA YAPOKEA OFA YA NGASA

Yanga SC imeonesha kukomaa baada ya kuipokea ofa ya Azam FC na kwa mujibu wa mwenyekiti wake Imani Madega, “wao kama Yanga hawana mpango wa kumzuia Ngasa na mchezaji yoyote atakayependa kuhama kwani kuhama kwao kutatoa nafasi kwa Yanga kusajiri wachezaji wengine nyota.

Suala la Ngasa kusajiliwa Azam FC limezuka kama filamu, na sasa limekuwa likifuatiliwa na wapenzi wengi wa Mchezo wa mpira wa miguu, awali leo mchana, Azam FC imepeleka barua ya kuomba kumsajili Ngasa ikiwa na ofa ya 25 Milioni. Kiasi hiki ni kikubwa sana kwa mujibu wa wachambuzi wa masuala ya usajiri wa wachezaji kwani Ngasa amebakisha mwaka mmoja tuu na sheria za FIFA zinamruhusu mchezaji aliyebakisha mwaka mmoja kuunnua mkataba wake kwa kuilipa klabu aliyokuwa akiichezea mshahara wote uliobaki. Lakini Azam FC licha ya kufahamu sheria hiyo bado imeonesha uungwana na nia njema kwa kuamua kutoa ofa nzuri ambayo ni rekodi nchini.

Juma kaseja ndiye anayeshikiria rekidi ya uhamisho ambapo Uhamishowake kwenda Yanga uliigharimu timu hiyo ya Jangwani Milioni 24 na kama deal hili la Ngasa litafanikiwa basi Yanga na Ngasa watakuwa wakishikilia rekodi ya usajiri wa fedha nyingi kwa wachezaji wa ndani.

Gazeti la Mwanaspoti nalo lina habari kuwa, nanukuu “MAMILIONI ya fedha aliyoahidiwa na klabu ya Azam yamemrudisha nyumbani Mrisho Ngassa na jana alitarajiwa kukutana na uongozi wa Yanga na kuwaelezea nia yake ya kutaka kutosajiliwa tena na klabu hiyo msimu ujao.

Ngassa alisema jana kuwa ameamua kurejea nyumbani baada ya kuona kuwa fedha alizopewa na APR ya Rwanda ni ndogo zikilinganishwa na zile alizoahidiwa na Azam.

'' Kweli tulifanya mazungumzo na APR wiki hii, lakini walikuwa wanasuasua kunipa fedha ambayo niliitaka mimi na nilipofuatwa na Azam wakanieleza dau kubwa zaidi, ndipo nikaona nisipoteze muda bora nije kuzungumza nao, '' alisema Ngassa ambaye amekuwa mchezaji bora wa Ligi Kuu ya Vodacom msimu uliopita.

Alisema kuwa alitarajia kukutana na uongozi wa Yanga ili kuwaeleza nia yake ya kutua Azam na kuwaweka wazi fedha anazopata na kuwaomba wamruhusu kwani mpira ni ajira kwa sasa.

'

' Kwa sasa mimi ndio najitengenezea maisha yangu mpira ukiisha hapa sijafanya kitu chochote kesho na kesho kutwa nitavyokuwa naomba omba watu wananisema sana, hivyo naomba viongozi wa Yanga wanielewe na kuniruhusu kuichezea Azam msimu ujao,'' alisema.

Pia, aliongeza kuwa uamuzi wake anaamini kuwa ni sahihi kutokana na fedha alizoahidiwa kuwa ni nyingi na anaamini kuwa Yanga hawawezi kumsajili kwa fedha hizo hata iweje.

"Ni zaidi ya fedha ambazo walitaka kunipa APR ambao katika maongezi ya mwanzo walikubaliana nami Shilingi 20 na Azam wananipa zaidi ya hapo.

"Ninawaomba mashabiki wa Yanga wakubaliane na uamuzi wangu huo kwa ajili ya maisha yangu na ukizingatia nimeitumikia kwa miaka mingi timu hiyo tena kwa moyo mmoja hivyo wasiupokee vibaya uamuzi wangu huo," alisema.

Alisema hana shida na viongozi wake anaamini pindi watakapokutana na wenzao wa Azam watafika muafaka na kumruhusu kwa moyo mmoja kuichezea timu hiyo ambayo imekuwa na upinzani kwenye ligi msimu uliopita.

Hata hivyo, mchezaji huyo alitangaza dau lake kupitia gazeti la Mwanaspoti kuwa yupo tayari kuondoka Yanga endapo klabu inayomtaka iko tayari kutoa Shilingi 40 milioni.

SENYONJO ATUA AZAM FC

AZAM FC ya Dar es Salaam imefanikiwa kumsajiri nyota wa kimataifa wa Uganda ambaye ni mshambuliaji hatari wa timu ya ya Polisi ya Uganda, Peter Senyonjo ambaye alikuwa akihusishwa na Yanga kwa misimu miwili mfululizo iliyopita.

Senyonjo ambaye anatisha kwa kuzifumania nyavu za timu pinzani anatarajiwa kutengeneza partnership ya hatari na John Raphael Boko Adebagoals amabye kama siyo kukosa baadhi ya mechi kutokana na kuwa Israel kwa majaribio basi angekuwa mfungaji bora msimu huu.

kwa mujibu wa gazeti la mwanaspoti, Yanga walikuwa wamepania kumsajili mchezaji huyo msimu wa 2007 na 2008 lakini wakashindwa kutokana na kutokuwa makini kwenye ufuatiliaji lakini wikiendi iliyopita timu ya Azam imemshusha Dar es Salaam na kumsainisha mkataba wa mwaka mmoja.

Mchezaji huyo mzoefu na tegemeo kwenye timu ya Taifa ya Uganda, alikuwa jijini Dar es Salaam wikiendi iliyopita kukamilisha uhamisho wake na ameshakwea pipa kurejea Kampala.

Meneja wa Azam, Ibrahim Jeshi amesema kuwa kila kitu kimekwenda vizuri na mchezaji huyo amerejea kwao kukamilisha mambo mengine.

Senyonjo amejijengea umahiri mkubwa akiwa na timu hiyo ya Police kwenye michuano ya kombe la kagame na timu ya Taifa katika chalenji.

Wakati huo huo, beki mahiri wa timu ya Taifa Stars Nadir Haroub Canavaro yupo katika hatua za mwisho za kujiunga za Azam FC, Canavaro mwenyewe ameshatamka wazi kuwa dhamira yake ni kuichezea Azam FC msimu ujao

CHELSEA MABINGWA KOMBE LA FA

Carlo Ancelotti ameweka rekodi wakati Didier Drogba alipopachika bao kipindi cha pili na kuizamisha Portsmouth hali iliyoifanya Chelsea kuweka kibindoni makombe mawili, ubingwa wa Ligi ya England na Kombe la FA.

Shuti la Drogba la adhabu ya moja kwa moja alilopiga kiufundi ndio liliamua ushindi kwa Chelsea katika mchezo ambao Chelsea walikosa mabao mengi kipindi cha kwanza ambapo mpira ulikuwa ukigonga nguzo ya goli mara kwa mara ambapo pia timu zote zikikosa kufunga mikwaju ya penalti.

Chelsea ambayo inakuwa klabu ya saba kushinda makombe mawili katika msimu mmoja, kwa mara nyingine ilikuwa na kila jambo la kumshukuru mshambuliaji wao hatari Drogba, ambaye amezidi kuweka rekodi ya kufunga katika michezo sita iliyopia kwenye uwanja wa Wembely huku msimu huu akiwa amefunga mabao 37.

Alifunga dakika chache tu baada ya Portsmouth kukosa mkwaju wa penalti ambapo Kevin-Prince Boateng alipiga mkwaju usio wa kiufundi na kuokolewa na mlinda mlango wa Chelsea Petr Cech na ule wakati ambapo Pompey ilionekana kurejea kile ilichofanya miaka miwili iliyopita ukipotea.

Chelsea nayo ilikosa kufunga bao la pili kwa kwaju wa penalti baada ya Frank Lampard kuangushwa na Michael Brown na mkwaju wake kwenda nje.

SERENGETI BREWERIERS YAZINDUA BIA MPYA (UHURU PEAK LAGER)

Mwenyekiti wa kampuni ya bia ya Serengeti Breweriers Jaji Mark Bomani kulia pamoja na Mkurugenzi wa Masoko wa kampuni hiyo Shantanu Chitgopkar wakionyesha mfano wa bia ya Uhuru Peak Lager jana mara baada ya kuzinduliwa rasmi jijini Dar es salaam kwenye Hoteli ya Movenpick, bia hiyo kwa sasa inapatikana kwenye baa mbalimbali na ina kilevi asilimia 5.8 haya kazi kwenu watumiaji wa kilaji endeleeni kujimwaga na Uhuru Peak Lager
Kocha wa timu ya taifa Taifa Stars Marcio Maximo akiwa na maiwaifu wake.

WADAU KAMA TULIKUWA CHIMBO HIVI!!!

WADAU WA VIWANJANI KAMA TULIKUWA CHIMBO HIVI KWA MAJUMA KADHAA SASA TUNAREJEA TENA

TUMEREJE TENA

NI MAHABARI YA MICHEZO ZAIDI

KARIBU