Mratibu
wa shindano la Miss Dar City Center, Judith Charles, akizungumza jambo
katika mkutano na waandishi wa habari kuelekea kwenye shindano hilo
litakalofanyika Jumamosi, katika viwanja vya Dar Free Center, jijini Dar
es Salaam. Waliosimama ni baadhi ya warembo watakaochuana katika tukio
hilo la aina yake.
Na Kambi Mbwana, Dar es Salaam
MASHABIKI wa sanaa ya urembo, keshokutwa Jumamosi ya Mei 24, watakuwa na kazi
moja ya kumshuhudia mrembo wa Miss Dar City Center, shindano litakalofanyika
katika viwanja vya Dar Free Center, jijini Dar es Salaam.
Tunaelewana jamani?
Akizungumza katika mkutano na waandishi wa habari jana,
jijini Dar es Salaam, Mratibu wa Shindano hilo, Judith Charles, alisema kuwa
tukio hilo litasindikizwa na burudani kadhaa, akiwamo TID na Sky Light Band.
Mazungumzo yanaendelea juu ya shindano hilo.
Alisema kuwa taratibu zote za kuelekea kwenye kilele hicho
cha kumpata Miss Dar City Center zimekamilika. “Litakuwa ni shindano la aina yake ambapo mabinti wetu wapo
katika hali nzuri kwa ajili ya kuonyesha shoo nzuri kwa wadau wote
watakaohudhuria.
“Naomba mashabiki wa urembo na burudani nyingine waje kwa
wingi katika shindano hili kujionea umahiri wa warembo na uchu wa mafanikio
katika sanaa ya urembo,” alisema Judith. Katika maeneo mbalimbali ya Tanzania, mashindano ngazi ya
vitongoji ya urembo yameendelea kufanyika kwa ajili ya safari ya Miss Tanzania,
baadaye mwaka huu.
No comments :
Post a Comment