Timu ya Taifa ya Tanzania Taifa Stars ama The Blues of Africa imeagwa rasmi tayari kuelekea nchini Rwanda kucheza mchezo wa kirafiki wa kimataifa na timu ya taifa ya nchi hiyo.
wakati wakiagwa wamekabidhiwa bendera na Kaimu Mkurugenzi wa Wizara ya habari utamaduni na michezo, Charles Matoke na kuwataka kurudi na ushindi.
Wachezaji watakaosafiri na timu hiyo ni Shabani Dihile, Ali Mustapha, Juma Jabu, Erasto Nyoni, David Naftar, Stephano Mwasika, Shabani Nditi, Kelvin Yondani, Juma Nyoso, Mwinyi Kazimoto, Nurdin Bakari, Razack Khalfan, Mrisho Ngassa, Jerry Tegete, Danny Mrwanda, Rashid Gumbo, Kigi Makasi, John Bocco, Zahoro Pazi na Salum Sued.
Shadrack Nsajigwa ameacha kutokana na kuwa majeruhi hivyo asingeweza kucheza katika mchezo huo lakini pia hayumo Musa Hassan 'Mgosi' katika kikosi hicho kutokana na kwenda Norway katika majaribio.
Imebainishwa pamoja ya kuwepo katika msafara huo mshambuliaji Tegete ataanzia benchi kwani alikuwa majeruhi lakini sasa ameanza kufanya mazoezi mepesi.
Naye kipa Shabani Kado anaweza kuchukua nafasi ya Dihile ambaye hali bado sio nzuri lakini amemweka katika msafara huo huku akimwangalia maendeleo ya afya yake.
No comments :
Post a Comment