NAHODHA wa timu ya Far Rabat Bellakhdar Younes amejigamba
timu yake kuifunga Azam FC mabao 2-0 kwenye mchezo wa kombe la shirikisho
barani Afrika utakaochezwa uwanja wa Taifa jumamosi hii.
Younes aliyasema hayo wakati walipowasili uwanja waNdege wa
Kimataifa wa Mwalimu Nyerere jijini Dar es Salaam tayari kwa mchezo huo wa
raundi ya pili.
“Timu yetu ni nzuri na Azam pia ni wazuri kwani wana
wachezaji waliopo kwenye timu ya taifa hivyo tutahakikisha tunafunga mabao 2-0
ili iwe rahisi wakija nyumbani”, alisema Younes.
Wachezaji wa Far Rabat ambao wapo kwenye timu ya Taifa ya
Morocco ni Hammal Younes, Achchakir Abderrahim, Bellakhdar Younes, Saidi
Salaheddine, Aqqal Salaheddine na Youssef Kaddior.
Timu hiyo imewasili ikiwa na msafara wa watu 31 na umefikia kwenye hoteli ya
Saphire iliyoko Kariakoo.
No comments :
Post a Comment